ရိုဟင်ဂျာ အရေးဆွေးနွေးပွဲသို့ တခေါက်

ခေတ်မောင်း လန်ဒန်သတင်းထောက်

ဇူလိုင်လ (၁၆) ရက်နေ့က လန်ဒန် ဘောဂဗေဒ နဲ့ နိုင်ငံရေး သိပ္ပံကျောင်း LSE Arts and the Centre for the Study of Human Rights က ဦးစီးလုပ်တဲ့ “မြန်မာပြည်ရဲ့ ရိုဟင်ဂျာများ” ဆိုတဲ့ ခေါင်းစဉ်နဲ့ ဆွေးနွေးပွဲကို ခေတ်မောင်း သတင်းထောက် သွားခဲ့ပါတယ်။ ဆွေးနွေးပွဲကို လူ (၂၀၀) လောက် တက်ပါတယ်။ ကျောင်းသားတွေ၊ မူဆလင်တွေ၊ ဗြိတသျှအစိုးရထဲက မြန်မာပြည်နဲ့ ဆိုင်တဲ့ ကိစ္စတွေ ကိုင်တဲ့ ဝန်ထမ်း အနည်းငယ်၊ ရိုဟင်ဂျာအဖွဲ့က လူအနည်းငယ် နဲ့ ဗမာ ၃၊ ၄ ယောက်လောက် တွေ့ပါတယ်။ အင်တာနက် စာမျက်နှာ တွေမှာ ရိုဟင်ဂျာ အကြောင်းကို အခြေအတင် ဆွေးနွေးနေကြတာမို့ ဗမာ အများစု တက်မယ်ထင်တာ နည်းနည်းလေးပဲ တွေ့လို့ အံ့အားသင့်ရပါတယ်။

ဦးဆောင်ဆွေးနွေးတဲ့ (၂) ယောက်က အမေရိကန်လူမျိုး ဓာတ်ပုံ သတင်းထောက် Greg Constatine ဆိုတဲ့ အမျိုးသားနဲ့ Arakan Project က ဒါရိုက်တာ၊ ရခိုင်ပြည်နယ် မြောက်ပိုင်းက ရိုဟင်ဂျာတွေ အကြောင်း စစ်တမ်းတွေ ကောက်၊ စာတမ်းတွေရေးတဲ့ Chris Lewa ဆိုတဲ့ အမျိုးသမီးပါ။ ဥပဒေနဲ့ တရားစီရင်ရေး ဆိုင်ရာတွေကို ဆွေးနွေးမယ့် အမျိုးသမီးက ပွဲကို ရောက်မလာခဲ့ဘူး။

ဂရက် (Greg Constatine) ဟာ ၂၀၀၆ ခုနှစ်ကတည်းက သွားစရမရှိတဲ့ လူများ (Nowhere People) ဆိုတဲ့ ခေါင်းစဉ်နဲ့ ဓာတ်ပုံတွေရိုက် စာတွေရေးလုပ်နေတယ်။ ဘင်္ဂလားဒေ့ရှ် တေင်ပိုင်းမှာရှိတဲ့ ရိုဟင်ဂျာ ဒုက္ခသည် စခန်းကို (၈) ခေါက်သွားပြီး အဲ့ဒီမှာရှိတဲ့ ဒုက္ခသည်တွေ အကြောင်း မှတ်တမ်းတင်ပြီး ပြေးစရာပြည်မရှိတဲ့ မြန်မာပြည် က ရိုဟင်ဂျာများ (Exile to nowhere: Burma's Rohingya) ဆိုတဲ့ စာအုပ်ကိုလည်း ဒီလမှာပဲ ထုတ်ထားတယ်။

သူက ရိုဟင်ဂျာ ဖြစ်ရပ်ကို ကာလကြာရှည်စွာ တိုင်းပြည်မဲ့တဲ့ ဖြစ်ရပ် (Protracted Statelessness) ဆိုပြီး ရှင်းပြတယ်။ သူတွေ့ခဲ့တဲ့ ဒုက္ခသည်ထဲက ဖာတီမာ နဲ့ ဂျာဖာ ဆိုတဲ့ လူနှစ်ယောက် အကြောင်းကို ပြောပြတယ်။

ဖာတီမာ ဟာ အသက် (၂၉) နှစ် ရှိပြီ ဖြစ်တဲ့ ရိုဟင်ဂျာ အမျိုးသမီး။ သူဟာ တခြား ရိုဟင်ဂျာ အမျိုးသား တယောက် နဲ့ ချစ်ကြိုက်လို့ လက်ထပ်ခွင့် တောင်းတာ ကျေးရွာ အာဏာပိုင်တွေက ခွင့်မပြုလို့ နှစ်ဦးသား အစ္စလာမ် ထုံးစံ နဲ့ အညီ တိတ်တိတ် လက်ထပ်ပြီး ပေါင်းသင်း နေထိုင်ကြတယ်။ ဖာတီမာ ကိုယ်ဝန်ရှိတော့ ရွာက အာဏာ ပိုင်တွေ သိသွားပြီး ကိုယ်ဝန်ဖျက်ချ ခိုင်းတယ်။ ရှိသမျှ ပစ္စည်း ဥစ္စာတွေ အားလုံးပေးပြီး တောင်းပန်တာလည်း မရလို့ နောက်ဆုံး ဘင်္ဂလားဒေ့ရ်ှထဲကို ထွက်ပြေးလာကြရတယ်။

ဂျာဖာ ကတော့ နဂါးမင်း စစ်ဆင်ရေးကြောင့် ဘင်္ဂလားဒေ့ရ်ှထဲကို ထွက်ပြေးလာခဲ့တဲ့ ရိုဟင်ဂျာ အမျိုးသား။ သူက မြန်မာပြည်ထဲကို ပြန်နေချင်တဲ့လူ။ သူတို့မှာ သွားစရာ၊ နေစရာ၊ သူတို့ကို လက်ခံမယ့်နေရာ တနေရာမှ မရှိဘူးတဲ့။ သူတို့လိုချင်နေတာက အင်္ဂလိပ်လို “ability to feel they belong” ဗမလို ဆိုရင်တော့ “သူတို့နဲ့ဆိုင်ပါ့လားဆိုတဲ့ အသိပေးနိုင်မယ့် နေရာတခု” ပါတဲ့။ နိုင်ငံသား ဖြစ်ခွင့် ရုပ်သိမ်းခံရတာဟာ ကိုယ့်ကိုကိုယ်နဲ့ သူများက ကိုယ့်ကို တန်ဖိုးထားမှု ဖျက်ဆီးခံရတာ (to be stripped of citizenship is to be stripped of worthiness) ဆိုတာကို ရှင်းပြပါတယ်။

ခရစ်လယ်ဝါ (Chris Lewa) ကတော့ ဘူးသီးတောင် မောင်းတော မှာ သုတေသန လုပ်နေတဲ့ သူ့အဖွဲ့ဝင်တွေ ရှိတော့ ရိုဟင်ဂျာ အကြောင်းကို တော်တော်လေး ထဲထဲဝင်ဝင် သိပါတယ်။ သူက ဇွန်လမှာ ဖြစ်တဲ့ ပဋိပက္ခ ရဲ့ အကြောင်းရင်းခံက သုံးမျိုးရှိတယ်လို့ ဆိုပါတယ်။

ပထမ အကြောင်းက ရိုဟင်ဂျာတွေ အပေါ်ထားတဲ့ အစိုးရရဲ့ ပေါ်လစီတွေ၊ ဒုတိယက နိုင်ငံသားဖြစ်မှု ငြင်းပယ်ခြင်း နဲ့ တတိယက ရန်လိုမှု နဲ့ အမုန်းတရားတွေကို အားပေးအားမြှောက်ပြုခြင်းတဲ့။

သူက တတိယအချက်ကို မြန်မာနိုင်ငံ ပွင့်လင်းလာတာနဲ့ ဆက်စပ်ပြပါတယ်။ ပြောချင်တာ ရေးချင်တာ ပြောလို့ ရေးလို့ ရပြီ။ Freedom of Expression ရှိလာပြီ ဆိုပြီး ရိုဟင်ဂျာတွေ အပေါ်ထားတဲ့ အမုန်းတရားတွေကို လူကြားထဲ ပွင့်အန်ပြတဲ့ အကြောင်း ပြောပါတယ်။ ၂၀၁၂ ဖေဖေါ်ဝါရီ လောက်ကတည်းက အင်တာနက် ပေါ်မှာ ရိုဟင်ဂျာ ဆန့်ကျင်ရေး ဆောင်းပါးတွေ ပျံ့နေတယ်လို့ သူက ထောက်ပြပါတယ်။

ခရစ်လယ်ဝါက ရိုဟင်ဂျာတွေ ရခိုင်တွေကို ဘူးသီးတောင် မောင်းတောမှာ အကြမ်းဖက်တာ ဇွန်လ (၈) ရက် နေ့ တရယ်ထဲလို့ ဆိုပါတယ်။ စစ်တွေမှာ ဖြစ်တာကိုတော့ သူတို့ အဖွဲ့ စစ်တွေမှာ မရှိလို့ အတိအကျ မသိဘူးလို့ ဆိုတယ်။ ဘူးသီးတောင် မောင်းတော မှာ ဇွန်လ (၁၅) ရက်နေ့က စပြီး အစိုးရက ကျောထောက် နောက်ခံပေးထားတဲ့ အကြမ်းဖက်မှုတွေ ရိုဟင်ဂျာတွေ ခံရကြောင်း သူကပြောပါတယ်။ ရဲ့ မုဒိမ်းကျင့်တဲ့ အမှု (၄၅) မှု စာရင်းကောက်ယူ ရရှိထားတယ်လို့ ပြောတယ်။ ရိုဟင်ဂျာ (၅၇၇) ယောက်ကို ဖမ်းပြီး ဘူးသီးတောင် ထောင်ကို လွှဲလိုက်တယ်။ ဒီလူတွေကို မောင်းတော ရဲစခန်းမှာ စစ်နေတုန်း ယောင်္ကျား အင်္ဂါ တွေကို မီး နဲ့ ရှို့၊ စအို ထဲကို ဒုတ်တွေ ထည့်တာတွေ လုပ်တယ်လို့ အဖွဲ့သားတွေက သက်သေယူထားတယ်လို့ ဆိုတယ်။ သူထပ်တလဲလဲ သုံးသွားတဲ့ စကားကတော့ “State-Sponsored Violence” ဆိုတာ ပါပဲ။

သူတို့ (၂) ယောက် တယောက်ကို (၁၅) မိနစ် လောက်စီ ပြောကြပြီးတော့ ပရိသတ် (၁၀) ယောက်လောက်ရဲ့ မေးခွန်းတွေကို ဖြေပါတယ်။ မူဆလင်တယောက်က ထပြီး ဒီကိစ္စတွေ ကြီးကျယ်လာရင် သမ္မတ ဦးသိန်းစိန် နဲ့ ဒေါ်အောင်ဆန်းစုကြည် က ဘာမှ မလုပ်ရင် သူတို့ (၂) ယောက်ကို ရဝမ်ဒါတုန်းကလို စစ်ရာဇဝတ်မှု ကျူးလွန်သူတွေလို ခုံရုံးတင်သင့်တယ်။ ဒီကိစ္စဟာ ပြောင်းလဲရေး အပေါ် ဘယ်လို အကျိုးသက်ရောက်မှု ရှိနိုင်မလဲ ဆိုတာ ထမေးတယ်။ သူ့ကြည့်ရတာ တော်တော် စိတ်ဆိုးနေပုံရတယ်။

ခရစ်လယ်ဝါက ပြောင်းလဲရေးလို့ ပြောတဲ့နေရာမှာ စီးပွားရေး အတွက်ပဲ မဟုတ်ဘဲ လူ့အခွင့်အရေး အတွက် ပြောင်းလဲဖို့လည်း လုတာကို ရိုဟင်ဂျာ ကိစ္စက မီးမောင်းထိုးပြတယ်လို့ ပြန်ဖြေတယ်။

အင်္ဂလိပ် အမျိုးသားတယောက်က ရိုဟင်ဂျာတွေ နောက်မှာ အကြမ်းဖက်သမားတွေ ရှိတယ်ဆိုတာ ဟုတ်သလားလို့ မေးတယ်။ ခရစ်လယ်ဝါက သူရိုဟင်ဂျာတွေနဲ့ အလုပ်လုပ်လာတာ (၁၂) နှစ်ရှိပြီ။ အကြမ်းဖက် အဖွဲ့ဆိုလို့ တဖွဲ့မှ မတွေ့ဖူးဘူး။ ဒါပေမယ့် ရိုဟင်ဂျာကို အကြောင်းပြုပြီး အခုဖြစ်နေတဲ့ ကိစ္စတွေကို အသုံးချပြီး အပြင်က အကြမ်းဖက်ချင်တဲ့ အဖွဲ့တွေ ရှိတယ်။ အခြေအနေက စိုးရိမ်ရတယ်လို့ ဖြေတယ်။

တယောက်ကတော့ ဒေါ်အောင်ဆန်းစုကြည် သူ့ရပ်တည်ချက် မပျောက်အောင် ဒီကိစ္စကို ဘယ်လို ကိုင်တွယ် သင့်သလဲ ဆိုတာ မေးတယ်။ (ဒေါ်အောင်ဆန်းစုကြည် ဟာ အစိုးရ ရာထူးရထားတဲ့ လူ မဟုတ်ပေမယ့် မြန်မာပြည် တပြည်လုံးမှရှိတဲ့ အရေးတွေနဲ့ ပတ်သက်ရင် သူ့သဘောထားကို တကမ္ဘာလုံးက စိတ်ဝင်တစား စောင့်ကြည့်လော့လာကြလို့ သူရိုဟင်ဂျာ ကိစ္စမှာ သိသိသာသာ အသံတိတ်နေတာ နဲ့ ပတ်သက်ပြီး လူတော်တော်များများက ဘာကြောင့်လဲ။ ဘာလုပ်နိုင်မလဲ။ ဘာလုပ်သင့်သလဲ ဆိုတာကို သိချင်ကြတယ်။)

ခရစ်လယ်ဝါ ပြန်ဖြေတာကတော့ အောင်ဆန်းစုကြည် နဲ့ အန်အယ်လ်ဒီ ဟာ ပါလီမန်ထဲ ရောက်နေပြီ။ သူ့ရဲ့ အသံတိတ်မှု ( သူက Political Silence လို့ သုံးတယ်။ နိုင်ငံရေးအရ မှားနိုင်တဲ့ အတွက်၊ လူကြိုက်နည်းနိုင်တဲ့ အတွက် တွက်ချက်ပြီး တိတ်နေတဲ့ အသံတိတ်မှုလို့ နားလည်နိုင်ပါတယ်။) က အရမ်းကို စိတ်ပျက်စရာ ကောင်းတယ်။ ခေါင်းဆောင်တွေ တာဝန်ခံရမယ့် အချိန်ကို ရောက်လာပြီ။ အနည်းဆုံးတော့ ရိုဟင်ဂျာတွေဟာ နိုင်ငံမဲ့လူတွေပါဆိုတာကို အောင်ဆန်းစုကြည် ပြောသင့်တယ်လို့ သူက ပြောပါတယ်။

ဆွေးနွေးပွဲရဲ့ အချိန်ဟာ တိုလွန်းတဲ့အတွက် ဆွေးနွေးချင်တဲ့ လူအားလုံး ဆွေးနွေးခွင့်မရပါဘူး။ ခြုံပြီး ပြောရရင် ဒီပွဲဟာ ရိုဟင်ဂျာတွေကို နှစ်ပေါင်းများစွာ မြန်မာအစိုးရရဲ့ လူ့အခွင့်အရေး ချိုးဖောက်မှုတွေခံရတယ်ဆိုတာကို ထောက်ပြတဲ့ ပွဲပါ။ ခရစ်လယ်ဝါဟာ ရိုဟင်ဂျာနဲ့ ပတ်သက်ရင် leading expert ထိပ်တန်းကျွန်းကျင်သူလို့ တော်တော်များများက ယူဆထားတဲ့ အတွက် သူ့ကို မီဒီယာတွေမှာ ခဏ ခဏ တွေ့ရပါတယ်။ သူတို့ရေးတဲ့ အစီရင်ခံစာတွေကို နိုင်ငံတကာအစိုးရ နဲ့ အဖွဲ့တွေက ဖတ်ပုံ ရပါတယ်။ အင်္ဂလိပ်အစိုးရထဲ မြန်မာ့အရေး ဆောင်ရွက်နေသူတွေကို ဒီဟောပြောပွဲမှာ တွေ့လိုက်ရလို့ သူပြောတွေဟာ အကျိုးသက်ရောက်မှု ကြီးကြီးမားမား ရှိနိုင်တာကို မှန်းလို့ရပါတယ်။

ရိုဟင်ဂျာအရေးမှာ ပြည်တွင်းက ခေါင်းဆောင်တွေ နဲ့ ပြည်တွင်းရော ပြည်ပက ဗမာတွေ ဘယ်လိုတွေးလဲ။ နိုင်ငံတကာမှာ ရိုဟင်ဂျာ အရေးကို ဘယ်လိုမြင်လဲ။ မြန်မာအစိုးရကို တစထက်တစ ပိုပိုပြီး အကူအညီပေးလာကြတဲ့ နိုင်ငံတကာ အသိုင်းအဝန်းက မြန်မာအစိုးရကို ရိုဟင်ဂျာအရေးမှာ ဘယ်လို ဖြေရှင်း စေချင်သလဲ။ မြန်မာအစိုးရကရော သူတို့ ဖြစ်စေချင်သလို ဖြေရှင်းနိုင်မလား။ မဖြေရှင်းဘဲထားရင် ဘယ်လို ဖြစ်မလဲ။ ဒါတွေကဟာ ဒီဆွေးနွေးပွဲက ရတဲ့ အတွေးစတွေပါ။

လစဉ်ထုတ် အွန်လိုင်း ခေတ်မောင်းစာစောင်၊ အတွဲ (၁)၊ အမှတ် (၃) မှ
ခေတ်မောင်း အင်တာနက် စာမျက်နှာ : http://www.khitmaung.com/
(“ခေတ်မောင်း” ကို ပြည်တွင်း၊ ပြည်ပ ရှိ လူငယ်များ ပူးပေါင်း ရေးသား၊ ထုတ်ဝေ၊ အွန်လိုင်း ဖြန့်ချီသည်။)