အ၀ကျွန်းသားတွေ၊အနောက်သားတွေ ကိစ္စကို ဘယ်လို ရှင်းမလဲ-

ကျွန်တော်တို့ အားလုံးက လွတ်လပ်ရေး ရယူစဉ် မြန်မာမြေပုံထဲမှာ ပါဝင်တဲ့ မြန်မာနိုင်ငံသား များ ဖြစ်ပါ တယ်။ ကိုယ်နေ တဲ့ မြေကို ကိုယ်ချစ်ရမယ်၊ ကိုယ်နေတဲ့ နိုင်ငံကို ကိုယ်တိုးတက်အောင် လုပ်ရမယ်၊ ကိုယ့်နိုင်ငံ သား တွေကို ပညာရည် တိုးတက်လာအောင် ကိုယ်တွေက ကြံဆောင်ရပါမယ်။ ကိုယ်နိုင်ငံသား အချင်းချင်း ချစ်ခင် ညီညွတ်အောင် ကြံဆောင်သယ်ပိုးရပါမယ်။

အခုတစ်လော မြန်မာပြည်မှာ လူမျိုးရေး၊ ဘာသာရေး အထိကရုန်းတွေ ပေါ်ထွက်လာတာကို ကြည့်ရင် အင် မတန်မှ စိတ်မချမ်းမြေ့ဘို့ ကောင်းပါတယ်။ လူမျိုးနွယ်မတူ၊ ဘာသာမတူ၊ ဂိုဏ်းမတူလို့ ရန်သူလို့ သတ်မှတ်ခဲ့ တဲ့ ခေတ်ကာလကြီးက ကုန်ဆုံးသွားခဲ့ပါပြီ။ ဒီလို ကုန်ဆုံးသွားခဲ့ တဲ့ ခေတ်ဟောင်း ကိုပဲ ပြန်လည် တမ်းတနေ မယ် ဆိုရင် ကမ္ဘာနဲ့ ရင်ဘောင်တန်း ခေတ် မှီနိုင်ဘို့ ဆိုတဲ့ ဝေါဟာရကို မပြောဆိုသင့်ပါ၊ မခံယူသင့်ပါ။ မရင့်ကျူး သင့်ပါ။

သတ်မှတ်မှု နယ်မြေအလိုက် နိုင်ငံသားနဲ့ နိုင်ငံခြားသား နှစ်မျိုးပဲ သဘောအားဖြင့် ခွဲခြားသတ်မှတ်လို့ ရနိုင်မှာ ဖြစ်ပါတယ်။ ဒါတောင် ရာဇ၀တ်မှုများ ကျူးလွန်လာရင် ထိန်းသိမ်းစောင့်ဘို့ လွယ်ကူရလေအောင် ခွဲခြား သတ်မှတ် ခြင်းသာ ဖြစ်သင့်ပြီး လူနဲ့လူကြား ခွဲခြားခြင်းမျိုး မဖြစ်သင့်ပါ။

ဥပမာ- မြန်မာနိုင်ငံက လူတစ်ဦး ထိုင်းနိုင်ငံထဲကို ခိုးဝင်လာမယ်၊ သူ့မှာ ၀င်ခဲ့စဉ်က ပါ့စ်ပို့ (နိုင်ငံကူး လက်မှတ်) မပါခဲ့ဘူး ဆိုရင် သူဟာ ဘယ်အရပ်၊ ဘယ်ဒေသက လူမှန်းမသိ ဖြစ်နေမယ်- မတော်တဆ အကြောင်းအမျိုးမျိုး ကြောင့် သူသေသွားခဲ့ရင် ဘယ်ကို အကြောင်းကြားပေးရမှန်း မသိသလို၊ သူက ရာဇ၀တ်မှုကျူးလွန်ပြီး ပြန်လည် ထွက်ပြေးရင်လည်း တရားခံဖြစ်တဲ့ သူ့ကို ဘယ်မှာ လိုက်ဖမ်း အပြစ်ပေးရမှန်း မသိ ဖြစ်နေပါမယ်။ ဒါ ကြောင့် ဥပဒေ စိုးမိုးရေးအတွက် နိုင်ငံသား သန်းခေါင်း စာရင်း နဲ့ နိုင်ငံခြားသား နိုင်ငံကူးလက်မှတ်များက အဲ့ဒီ လူအတွက် လိုအပ်လှပါတယ်။

နိုင်ငံသားနဲ့ နိုင်ငံခြားသားရဲ့ လူ့အခွင့်အရေးက နိုင်ငံတော်ရဲ့ အုပ်ချုပ်ရေး ယန္တရားများမှာသာ ထိပ်ဆုံး ရာထူးကို နိုင်ငံခြားသားအား မပေးသင့်ဘို့ ဥပဒေပြဌာန်းရမှာ ဖြစ်ပါတယ်။ ဒါတောင် နိုင် ငံတော် တိုး တက်ရေး၊ လုံခြုံရေး ကိစ္စများအတွက် နိုင်ငံတော် သမ္မတများကိုယ်တိုင် နိုင်ငံခြားက အကြံပေးများ ငှားယမ်းရတာများ ရှိနိုင်ပါသေး တယ်။ နိုင်ငံခြား ငွေကြေးတွေကို ချေးငှားပြီး လည်ပတ်ရတာမျိုး ရှိသေးတယ်။ တနည်းအားဖြင့် ဒါတွေဟာ နိုင်ငံခြားသား အကြံဉာဏ်၊ နိုင်ငံခြား သား ငွေကြေးများနဲ့ တိုင်းပြည်ကို လည်ပတ်ခြင်း တစ်မျိုးဖြစ်ပါတယ်။

ကျွန်တော်တို့ မြန်မာနိုင်ငံအခြေအနေကို ပြန်ကြည့်ပါ။ ၁၉၄၈ ခု လွတ်လပ်ရေး မရယူမှီက မြန်မာနိုင်ငံဟာ သမိုင်းစဉ်ဆက် လက်ရှိ မြန်မာမြေပုံမဟုတ်ခဲ့ပါ။ ဥပမာ- ရှမ်းက လက်အောက်ခံပြည်နယ်။ လက်အောက် ခံပြည် နယ်ဆိုတော့ ရှမ်းစော်ဘွားများ ပိုင်ဆိုင်တဲ့ နယ်မြေကို မြန်မာက ပိုင်ဆိုင်ခဲ့တယ်၊ ရှမ်းစော်ဘွားများက ရှမ်းလူမျိုး များနေထိုင်ရာ ဒေသအားလုံးကို ပိုင်ဆိုင်ခဲ့တယ်။- အလားတူ ကချင်ကိုလည်း ဒီလိုပဲ၊ ချင်းကိုလည်း ဒီလိုပဲ- တိုင်းရင်းသား အားလုံးကို ဒီလိုပဲ အုပ်ချုပ်မှုနယ်နမိတ်ထဲမှာ ရှိစေခဲ့တယ်။

တစ်ကယ်တမ်း ၁၉၄၈ ခု မြန်မာလွတ်လပ်ရေး မြေပုံဆွဲတော့ မြန်မာထဲမှာ ရှမ်းမြေအားလုံး ရှမ်းလူမျိုး အား လုံး မ ပါခဲ့ဘူး၊ ကချင်မြေအားလုံး ကချင်လူမျိုး အားလုံး မပါခဲ့ဘူး၊ ရခိုင်မြေအားလုံး ရခိုင်လူမျိုး အားလုံး မပါခဲ့ဘူး၊ ချင်းမြေအားလုံး ချင်းလူမျိုး အားလုံး မပါခဲ့ဘူး။ တနည်းအားဖြင့် ဒီတိုင်း ရင်းသား ဒေသ များအားလုံးက အနည်း ဆုံး နှစ်ခြမ်းခွဲခံလိုက်ရပါတယ်။ ဒါကို ရိုးသားတဲ့ ဘယ်သမိုင်း ပညာရှင်မှ ငြင်းလို့ မရသလို၊ လက်ရှိ ပကတိ တည်ရှိနေမှုများကလည်း သက်သေအဖြစ် ရှိနေပါတယ်။

အခုတစ်လော ရခိုင် ကိစ္စ ဖြစ်နေတော့ ရခိုင်နဲ့ ပတ်သက်ပြီးတော့ အနည်းငယ် ပြောလိုတယ်။ ရခိုင်သမိုင်း ကို ပြန်ကြည့်ပါ။ (သက်သေအဖြစ် Wikipedia မှာ ကြည့်ပါ။) ဘီစီ ၃၃၂၅ ခုနှစ်က စတဲ့ ရခိုင်ဟာ ဓည၀တီ၊ ဝေသာလီ၊ လေးမြို့၊ မြောက်ဦး ခေတ်လေးခတ်လုံးမှာ စစ်တကောင်းနယ်ကို သိမ်းပိုက်အုပ်ချုပ်ခဲ့တယ်။ အထူး သဖြင့် ရခိုင်နိုင်ငံတော်အဖြစ် တည်ရှိစဉ်က စစ်တကောင်းမှသည် ဒွါရာဝတီ (သံတွဲ)နယ်ထိ ကျယ်ဝန်းခဲ့တယ်။ တစ်ခါတစ်ရံမှာ ကမ်းရိုးတန်း တစ်လျှောက် မော်ဒင်စွန်းထိ အုပ်ချုပ်မှု ဖြန့်ချဲ့နိုင်ခဲ့ပြီး- သံလျှင်ကို ငဇင်ကာ ကျူး ကျော်ထကြွစဉ်က- ရခိုင်တပ်မတော်က သွားရောက်နှိမ်နှင်း ခဲ့ရတယ်လို့ သမိုင်းမှာ ဆိုပါတယ်။ ဒီတော့ ရခိုင် နိုင်ငံအတွင်း ရခိုင်နယ်ရှိ လူမျိုးအားလုံးဟာ ရေကြည်ရာ မြက်နုရာ သွားရောက်နေထိုင် ကျက်စားခဲ့မှာပါပဲ။ စစ် တကောင်း လူမျိုးနွယ် ထဲမှာ မာရ်မာကီး၊ ဒိုင်းနက်၊ ရိုဟင်ဂျာ လူမျိုးစုတို့ ပါဝင်ခဲ့တယ်။ ရခိုင်ရိုးမတောနက်ကြီးကို ဖြတ်သန်းပြီး ရခိုင်နိုင်ငံပြင်ပက ချင်းလူမျိုးများ ရခိုင်ဒေသအနှံ့ ပြန့်နှံ့နေထိုင်နိုင်သေးရင်- ရခိုင် တစ်နိုင်ငံ တည်း နေပြီး တောကြီး မျက်မဲ ကာရံတားဆီးထားခြင်း မရှိတဲ့ စစ်တကောင်းမျိုးနွယ်များက ရခိုင်နယ်ထဲမှာ မနေခဲ့ဘူး ဆိုတဲ့ အချက်ဟာ အလွန်တရာ မှားယွင်းပြီး မျက်ကန်း အမျိုးသားရေးဝါဒနဲ့ သမိုင်းကို ဗြောင်လိမ်ခြင်းသာ ဖြစ်ပါတယ်။

မြန်မာနိုင်ငံ လွတ်လပ်ရေးအရ သတ်မှတ်တဲ့ နယ်နိမိတ်ထဲမှာ စစ်တကောင်းမျိုးနွယ်များ မပါဝင်ခဲ့ဘူး၊ သူတို့ဟာ နောက်မှဝင်လာသူများ ဖြစ်တယ် ဆိုတဲ့ အချက်ဟာ ဘာသာရေးမုန်းတီးမှု သက်သက် သာ ဖြစ်ပါတယ်။ ဘာ ကြောင့်လဲ ဆိုတော့ စစ်တကောင်းမျိုးနွယ်များ ဖြစ်တဲ့ ရိုဟင်ဂျာ၊ မာရ်မာကီး၊ ဒိုင်းနက် တို့ဟာ ဘာသာစကားတူ တယ်၊ ဓလေ့စရိုက်တူတယ်၊ လူမျိုးနွယ်တူတယ်- ဒီလို တူညီနေပေမယ့် မာရ်မာကီးတွေက ဗုဒ္ဓဘာသာ (ဟိန္ဒူဘာသာ)ကို ကိုးကွယ်တယ်၊ ဒိုင်းနက်တွေက ဘာသာမရှိခဲ့တဲ့ တိုင်းရင်းသားတွေ ဖြစ်တယ်- (ယခုအခါ ခရစ်ယာန်သာသနာပြုများကြောင့် ခရစ်ယာန် အနည်း ငယ် ဖြစ် လာတယ်)- သူတို့ကိုတော့ ရခိုင်လူမျိုး ၇ မျိုးထဲမှာ လှိုက်လှိုက်လှဲလှဲထည့်ပေးထားတယ်။ ရိုဟင်ဂျာကိုမှ ခိုးဝင်လာသူများလို့ စွပ်စွဲခြင်းဟာ အစ္စလာမ် ဘာသာကို ကိုးကွယ်လို့ တမင်ဖန်တီးတဲ့ ဇတ်လမ်းများသာ ဖြစ်ပါတယ်။

လွတ်လပ်ရေး ယူစဉ်မှာ ရခိုင်သမိုင်းထဲက ရခိုင်နိုင်ငံတော်ဟာ မြန်မာပြည်ထဲကို အပြည့်အ၀ ပါဝင်လာခဲ့ခြင်း မရှိပါ။ ဘင်္ဂလား (ချာတူးဘာရှာ)များနဲ့ လုံးဝ လူမျိုးမတူတဲ့ စစ်တကောင်းနယ်ကြီး တစ်ခုလုံး ဘင်္ဂလားဒေ့ရ်ှကို ရက်ရက်ရောရောပေးခဲ့ပါတယ်။ (အကြောင်းပြချက်က အစ္စလာမ် ဘာသာကို ကိုးကွယ်သူများလို့ ဆိုတာပါ။) အဲ့ဒီနယ်ထဲမှာ လက်ရှိ ရခိုင်ဗုဒ္ဓဘာသာ ၄ သန်း (လွတ်လပ်ရေးကာလက လူဦးရေကို မသိပါ)လည်း ပါဝင်သွား ခဲ့ပါတယ်။ လက်ရှိ မြန်မာပိုင် ရခိုင်ထဲမှာ ရခိုင် လူဦးရေ ငါးသန်း (ငါးသန်း ဆိုတာက ရခိုင်၊ ကမန်၊ ခမွီး၊ ဒိုင်းနက်၊ ချင်း၊ မြို၊ မာရ်မာကီး + အခြား၊ စုစုပေါင်း ငါးသန်း) လို့ ဖေါ်ပြပါတယ်။ အခြား ဆိုတာက ရိုဟင်ဂျာကို ရည်ညွှန်းတာပါ။ ဒီအထဲမှာ ကမန်၊ ခမွီး၊ ဒိုင်းနက်၊ ချင်း၊ မြို၊ မာရ်မာကီး + အခြား ကို ဖယ်လိုက်ရင် ရခိုင်ဟာ ၂ သန်း သို့မဟုတ် ၃ သန်းလောက် ရှိနိုင်ပါတယ်။ ဒီ မြန်မာ ရခိုင်ဗုဒ္ဓဘာသာ လူဦးရေ ကိုယ်တိုင်က လက်ရှိ ဘင်္ဂလား ရခိုင် လူဦးရေထက် နည်းနေပါတယ်။

ကျွန်တော်တို့ မြန်မာနိုင်ငံသားစစ်စစ်များ အနေနဲ့ နိုင်ငံခြားသားများ ၀င်ရောက်လာရေးက ဟန့်တားနိုင်ဘို့ တိကျတဲ့ ဥပဒေများကို ပြဌာန်းဘို့ လိုအပ်သလို၊ နယ်စပ်ဒေသရှိ တိုင်းရင်းသားများကလည်း လူမျိုး တူ နိုင်ငံခြား ဖြစ်တည်နေတဲ့ လူသားများ ၀င်ရောခြင်းကို ပြတ်ပြတ်သားသား ကာကွယ်ရမှာပါ။ ဒီကိစ္စမှာ အခြား လူမျိုးများ ကို ကြိုက်သလို လုပ်စေ လွှတ်ပေးထားပြီး ရိုဟင်ဂျာ လူမျိုး တစ်ခုတည်းကိုပဲ “မင်းတို့က ဘင်္ဂလီတွေ၊ မင်းတို့ကို တိုင်းရင်းသား အဖြစ် အသိအမှတ်မပြုဘူး၊” ဆိုတဲ့ နည်းနဲ့ ကိုင်တွယ် ဖြေရှင်းနေလို့ မဖြစ်နိုင်ပါ။ အလွန်တရာ မတရားတဲ့ ဥပဒေ ဖြစ်သွားပါလိမ့်မယ်။

မြန်မာပြည် စီးပွားရေး ပြေလည်စဉ်က ဘင်္ဂလားဒေ့ရ်ှဘက်က မြန်မာထဲကို ၀င်လာခဲ့သူများမှာ ရိုဟင်ဂျာ တစ်မျိုးတည်း မဟုတ်ခဲ့ပါ။ ဒိုင်းနက်လည်း ၀င်ခဲ့ပါတယ်။ မာရ်မာကီးလည်း ၀င်ခဲ့ပါတယ်။ အဓိက- ကတော့ ရခိုင်မှာ လူဦးရေများတဲ့ ရခိုင်ဗုဒ္ဓနဲ့ ရိုဟင်ဂျာများက လူဝင်ရောမှု ရာခိုင်နှုန်းများခဲ့ပါတယ်။ ဒီကိစ္စက ဘင်္ဂလားနဲ့ နယ်ချင်းထိ ရခိုင်မြောက်ပိုင်းမှာ အကြီးအကျယ် ဖြစ်တဲ့ ကိစ္စပါ။ မြန်မာရခိုင်တွေက ဘင်္ဂလားရခိုင်ကို “အနောက်သား” လို့ခေါ်တယ်။ အထူးသဖြင့် စစ်တွေမှာ ရခိုင်အချင်းချင်း “အ၀ကျွန်းသား၊ အနောက်သား” လို့ ခေါ်ပြီး သူတို့ကြားမှာ ခွဲခြားမှုတွေ ရှိနေတယ်။ စစ်တွေ မြို့လည်မှာ အနည်းဆုံး အနောက်သား လေးပုံတစ် ပုံ လောက်ဝင်ရောနေတယ်။ အနောက်သား ဘုန်းကြီးကျောင်းတွေ အများကြီးရှိတယ်။ အစိုးရ အရာရှိ၊ ပြည်နယ် ကောင်စီတွေမှာ အရာရှိကြီးတွေ ဖြစ်ခဲ့တယ်။ သူတို့ချင်း ကူညီပံ့ပိုးပြီး အနောက်သားတွေ အများကြီး မြန်မာ ရခိုင်ထဲမှာ ၀င်ရောနေခဲ့တယ်၊ ၀င်ရောနေတယ်။ အလားတူ ရိုဟင်ဂျာထဲမှာလည်း အနောက်သားတွေကို ရိုဟင်ဂျာ စကားနဲ့ “အာနီကျာ”လို့ ခေါ်တယ်။ သူတို့အထဲမှာ ၀င်ရောနေမှုတွေ ရှိတယ်။- ဒါကို ရိုးသားစွာ ၀န်ခံရ မှာပဲ။ ၀င်ရောနေသူများ ရှိလို့ ၀င်ရောခံရတဲ့ လူမျိုးဆိုတာ မရှိဘူး ဆိုရင် ရခိုင်ဆိုတာလည်း ရှိတယ်လို့ သတ်မှတ်ရတော့မှာ မဟုတ်ဘူး။

ဒါကြောင့် ရခိုင်ပြည်နယ်မှာ ရခိုင်နဲ့ ရိုဟင်ဂျာဟာ တန်းတူ အဆင့်၊ တန်းတူ အခွင့်အရေး ရှိရမယ်။ သူတို့ရဲ့ ကိုး ကွယ်ရာဘာသာ၊ သူတို့ရဲ့ ဓလေ့တွေကို အကြောင်းပြပြီး ခွဲခြား ဆက်ဆံတာမျိုး၊ မညီမျှတဲ့ ဥပဒေကို သတ်မှတ် တာမျိုးကို တရားမျှတတဲ့ သမိုင်းကို ဆက်ခံလိုသူတိုင်း မကျူးသင့်ဘူး။

ဒါကြောင့် မြန်မာနိုင်ငံမှာ တိကျသေချာတဲ့ လူဝင်မှု ကြီးကြပ်ရေး ဥပဒေ တစ်ရပ်ကို ချမှတ်ရမယ်၊ ပြီးရင် အဲ့ဒီ ဥပဒေအတိုင်း တရုတ်နယ်စပ်၊ ထိုင်းနယ်စပ်၊ အိန္ဒိယနယ်စပ်၊ ဘင်္ဂလားဒေ့ရ်ှနယ်စပ်နေ လူမျိုးများကို ဥပဒေနဲ့ အညီ သမာသမတ်ကျစွာ ဆုံးဖြတ်ရမယ်။ အဲ့ဒီ ဆုံးဖြတ်ချက်ကို မြန်မာနိုင်ငံသားတိုင်းက ၀ိုင်းဝန်းပံ့ပိုးပေးရမယ်။ ကူညီပေးရမယ်-၊ ဘာသာတူလို့ လူမျိုးတူလို့ ဓလေ့တူလို့ ဆိုတဲ့ အကြောင်းပြချက်များနဲ့ ဥပေဒကို ဖုံးကွယ်ခြင်း မျိုး လိမ်ညာခြင်းမျိုး တစ်ဘက်စောင်းနင်းလုပ်ခြင်းမျိုးကို လုံးဝဟန့်တားလိုစိတ်များ ရှိရပါမယ်။

ဒီလို အခြေအနေမှာ ရိုဟင်ဂျာများက မိမိတို့ အထဲမှာ ၀င်ရောနေတဲ့ ဘင်္ဂလားဒေ့ရ်ှနိုင်ငံသားများကို အတတ်နိုင် ဆုံး တိတိကျကျ ဖေါ်ထုတ်ပေးသလို၊ ရခိုင်များကလည်း ရခိုင်ထဲမှာ ရောနေတဲ့ “အ၀ကျွန်းသား၊ အနောက်သား များ”ကို တိတိကျကျ ဖေါ်ထုတ်ပေးရမှာ ဖြစ်ပါတယ်။

ဒါဟာ- မိမိနေထိုင်ရာ နိုင်ငံကို တစ်ကယ်ချစ်တဲ့ လူသားတိုင်းမှာ တာဝန်ရှိပါတယ်။

ဌေးလွင်ဦး



Source :(MMSY)