၁၉၈၃ခုနှစ် အောက်တိုဘာလ ၉ရက်နေ့က မြောက်ကိုရီးယားတွေ စော်ကားခဲ့တဲ့ ဒီဖြစ်ရပ်ကို မမေ့သင့်ပါ..

 ဗုံးမပေါက်ကွဲမှီ မိနစ်ပိုင်းအလိုမှာ သမ္မတချန်ဒူးဝမ်ကို စောင့်မျှော်နေကြတဲ့ တောင်ကိုရီးယား ကက်ဘိနက် အဖွဲ့ဝင် ဝန်ကြီးများ..

ထိုသို့ ဗုံးဖောက်ခွဲခံရပြီးတဲ့ ညမှာတော့ သူခိုးပြေးမှ ထိုးကွင်းထသလို ရန်ကုန်မြို့တမြို့လုံး မီးမှောင်ချပြီး ထောက်လှမ်းရေးနဲ့ အာဏာပိုင်တွေ မဲမဲမြင်ရာ စစ်ဆေး၊ ဇရှိသူတွေ နိုင်ငံရေးသမားတွေ နေစရာမရှိတဲ့ ညဖြစ်ခဲ့ရပါတယ်..။ ထိုစဉ်က အခြေအနေတွေ ယခုထိ မှတ်မိနေဆဲပါ..။ ဗိုလ်မှုးအောင်လင်းထွဋ်နဲ့ VOA မေးမြန်းခန်းမှ ထိုစဉ်က ဗျူဟာမှူး (ယခင်နဝတခေတ် ရန်ကုန်တိုင်းမှုး) ဗိုလ်ချုပ်မျိုးညွန့်က ရွှေတိဂုံဘုရားပေါ်က ပစ်တာဆိုပြီး ပြန်ပစ်ဖို့ လုပ်တယ်ဆိုပဲ။ နောက်ပိုင်းမှာတော့ မြောက်ကိုးရီယား သူလျှိုတွေကို အသေခံ ဖမ်းဆီးခဲ့တဲ့ သူရဲကောင်းမှတ်တမ်းဝင် ရဲဘော်တွေရဲ့ မျက်နှာမှမထောက် မြောက်ကိုရီးယားတွေကို ပလဲနံပသင့်ပြီး လည်ပင်းဖတ် ပြန်ခေါ်လာတာကတော့ စစ်အာဏာရှင် ဗိုလ်သန်းရွှေတို့ပါပဲ။ မြောက်ကိုးရီးယားကို ပြန်ခေါ်ခဲ့တဲ့ ပုဂ္ဂိုလ်တွေ တောင်ကိုးရီးယား သမ္မတကို ဘယ်လို မျက်နှာနဲ့ ဘယ်လိုများ ကြိုဆိုကြမယ် ဆိုတာတော့ မသိပါ..။

အားလုံး သိရှိနိုင်ဖို့ ၁၉၈၃ခုနှစ် အောက်တိုဘာလ (၉)ရက်နေ့က တောင်ကိုးရီးယား သမ္မတမစ္စတာ ချန်ဒူးဝမ် မရောက်လာမှီ အာဇာနည်ဗိမာန်အတွင်း မြောက်ကိုးရီယား သူလျှိုများ ဗုံးခွဲအတိုက်အခိုက် မခံရမှီ မိနစ်ပိုင်း အလိုမှာ မြင်တွေ့ရတဲ့ တောင်ကိုးရီယား ကက်ဘိနက်အဖွဲ့ဝင် ဝန်ကြီးများဓာတ်ပုံပါ။ အနောက်မှာတော့ ယုံကြည်ချက်ဆိုပြီး ဗိုလ်ချုပ်အောင်ဆန်းရဲ့ ပြောကြားချက်တခုကို ထိုစဉ်က ဆိုရှယ်လစ်ခေတ် ဝါဒဖြန့်တခုအနေနဲ့ ဖော်ပြထားပြီး စာတွေကိုတောင် ကောင်းကောင်း ဆေးမသုတ်နိုင်တဲ့ ဆိုရှယ်လစ်ခေတ်ရဲ့ မြင်ကွင်း တစိတ်တဒေသကို တွေ့ရှိနိုင်မှာ ဖြစ်ပါတယ်..။