ဦးဇော်မင်းထွဋ်အား ဂျပန်နိုင်ငံတွင်ညစာစားပွဲအခမ်းအနားဖြင့်ဂုဏ်ပြု

အဆိုပါညစာစားပွဲအခမ်းအနားသို့ ဂျပန်နိုင်ငံမှ ၀န်ကြီးဟောင်းများ၊ လက်ရှိအစိုးရပါလီမန်အမတ်များ၊ အစိုးရတာဝန်ရှိသူများ၊ဥပဒေပညာရှင်များ၊လူ့အခွင့်အရေးလှုပ်ရှားသူများ၊အင်္ဂလန်နိုင်ငံသံရုံးမှသံတမန်များနှင့် အခြားသောသံရုံးများမှအရာရှိများအပါအ၀င် ဧည့်သည်တော် ၆၀ ကျော်တက်ရောက်ခဲ့သည်။
 

အခမ်းအနားတွင် Mr. Kurt W. Tong မှ ဂုဏ်ပြုအမှာစကားပြောကြားပြီး၊ အမေရိကန်နိုင်ငံမှ လူ့အခွင့်အရေးကာကွယ်မြှင့်တင်ရေးဆုအတွက်ရွေးချယ်ခံရသူများတွင်ပါဝင်သော မြန်မာနိုင်ငံသားရိုဟင်ဂျာများအသင်း (ဂျပန်)မှဥက္ကဌ ဦးဇော်မင်းထွဋ်အား Human Rights Defender Award Nominee Certificate ချီးမြှင့်ခဲ့သည်။

ဦးဇော်မင်းထွဋ်သည် ၁၉၉၈ ခုနှစ်မှစ၍ ဂျပန်နိုင်ငံတွင်အခြေစိုက်ပြီး ရိုဟင်ဂျာလူမျိုးများ၏ ဆုံးရှုံးသွားသောလူ့အခွင့်အရေးနှင့်တိုင်းရင်းသားအခွင့်အရေးများအတွက် မြန်မာနိုင်ငံသားရိုဟင်ဂျာများအသင်း (ဂျပန်) ကိုထူထောင်၍ အစဉ်တစိုက်လှုပ်ရှားနေသူဖြစ်ပါသည်။


ဦးဇော်မင်းထွဋ်သည် “ပြည်ထောင်စုမြန်မာနိုင်ငံတော်နှင့်တိုင်းရင်းသားရိုဟင်ဂျာများ” စာအုပ်နှင့် Human Rights Abuses and Discrimination on Rohingyas စာအုပ်များကိုရေးသားခဲ့သည်။

ရိုဟင်ဂျာ ဘလော်ဂါ