နေပြည်တော်တွင် အမျိုးသား ဒီမိုကရေစီအဖွဲ့ချုပ် လွှတ်တော် ကိုယ်စားလှယ်များ လာရောက် ယှဉ်ပြိုင်ခြင်းမှာ စွန့်စားမှု တစ်ရပ်အနေဖြင့် လုပ်ခြင်းဖြစ်ကြောင်း ဒေါ်အောင်ဆန်းစုကြည် ပြောကြား

အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်သည် နေပြည်တော်သို့ မတ်လ ၅ ရက်နေ့ နှင့် ၆ ရက်နေ့များတွင် မဲဆွယ်စည်းရုံးရေး ခရီးစဉ်အဖြစ် သွားရောက်ခဲ့ပြီး ဒေသခံ ပြည်သူများနှင့် တွေ့ဆုံကာ အမျိုးသား ဒီမိုကရေစီ အဖွဲ့ချုပ်မှ ၀င်ရောက်ယှဉ်ပြိုင်မည့် လွှတ်တော် ကိုယ်စားလှယ်လောင်းများ အတွက် ဟောပြောစည်းရုံးမှုများ ပြုလုပ်ခဲ့သည်။

ထိုသို့ ဟောပြောစည်းရုံးရာတွင် ဇမ္ဗူသီရိမြို့နယ်၌ ဒေါ်အောင်ဆန်းစုကြည်က “ကျွန်မတို့ အမျိုးသားဒီမိုကရေစီ အဖွဲ့ချုပ်က နေပြည်တော်မှာ လာပြီးတော့ ကျွန်မတို့ ကိုယ်စားလှယ်တွေကို လာပြီးတော့ ယှဉ် ပြိုင်ခိုင်းတာဟာ ကျွန်မတို့စွန့်စားမှုတစ်ရပ် အနေနဲ့လုပ်တာပါ။ ဒါပေမယ့် ကျွန်မတို့ဟာ ဒီမြို့နယ်က ပြည်သူတွေကို ယုံကြည်လို့လည်း လာပြီးတော့ စွန့်စားတာဖြစ်ပါတယ်။ ဒီမြို့နယ်မှာဆိုလို့ရှိရင် ကျွန်မတို့နိုင်ငံ အတွက် အင်မတန်မှ အရေးကြီးတဲ့ အင်အားစုနှစ်ရပ် ပါတယ်လို့ ကျွန်မ ထင်ပါတယ်။ ရွာသူရွာသားတွေ ပါတယ်။ ၀န်ထမ်းတွေလည်းပါတယ်”ဟု ပြောကြားခဲ့သည်။

“ကျွန်မတို့ ၀န်ထမ်းတွေနဲ့ ပတ်သက်လို့ပြောချင်တာက ကျွန်မတို့ နိုင်ငံတစ်နိုင်ငံဟာ တိုးတက်ဖို့၊ နိုင်ငံတစ်နိုင်ငံဟာ ချောချောမွေ့မွေ့ နဲ့အလုပ်ဖြစ်ဖို့ ဆိုလို့ရှိရင်ဝန်ထမ်းတွေဟာ အဆင့်မြင့်ဖို့လိုတယ်။ ၀န်ထမ်းတွေဟာ သိက္ခာရှိရှိနဲ့ အလုပ်လုပ်နိုင်ဖို့ လိုတယ်။ ၀န်ထမ်းတွေ သိက္ခာရှိရှိ အလုပ်လုပ်နိုင်ဖို့ဆိုတာက အုပ်ချုပ်မှု စနစ်၊ ဥပဒေရေးရာစနစ်၊ အားလုံးနဲ့ သက်ဆိုင်ပါတယ်။ အဲလိုဘာဖြစ်လို့ သက်ဆိုင်လဲလို့ ပြောလဲဆိုတော့ ကျွန်မ ပွင့်ပွင့်လင်းလင်းပဲ ပြောမယ်နော်။ ပြည်သူလူထု တော်တော်များများက ၀န်ထမ်းတွေကို လာဘ်ပေးလာဘ်ယူ လုပ်တယ်ဆိုပြီးတော့ စွပ်စွဲကြတယ်။ ဒါပေမယ့် ၀န်ထမ်းတွေရဲ့ ဘ၀ကိုလည်း ပြန်ကြည့်ပါဦး။ ကျွန်မ တို့ငယ်ငယ်တုန်းက အကြောင်း ပြန်ပြောပါရစေ။ ကျွန်မက အခု ၆၇ နှစ်မပြည့်သေးဘူး။ မပြည့်သေးဘူး ဆိုတာ ကျွန်မငယ်ငယ်တုန်းက ကျွန်မမှတ်မိနေတဲ့ အချိန်လောက် ဆိုတာက အရင် နှစ်ငါးဆယ်လောက်တုန်းက ပေါ့နော်။ နှစ်ငါးဆယ်ဆိုတော့ ကြာတော့ကြာပါပြီ။ ဒါပေမယ့် သမိုင်း အမြင်နဲ့ကြည့်ရင် ဒီလောက်ကြာတဲ့ ကာလ မဟုတ်ပါဘူး။ အဲဒီတုန်းက ကျွန်မတို့နိုင်ငံရဲ့ ၀န်ထမ်းတွေဟာ ဒီနိုင်ငံတင် မဟုတ်ပါဘူး။ ကမ္ဘာပေါ်မှာကို အသန့်ရှင်းဆုံး ၀န်ထမ်းတွေ ထဲမှာ အပါအ၀င်ဖြစ်တယ်။ ဥပမာ တစ်ခုအနေနဲ့ ကျွန်မပြောပြမယ်။ ကျွန်မတို့ ငယ်ငယ်တုန်းက တစ်ခါတစ်လေ ဓာတ်မီးတွေဘာတွေ ပျက်တာပဲ။ ဓာတ်မီးပျက်လို့ရှိရင် အဲဒီတုန်းက ဓာတ်မီးဌာနပေါ့နော်။ အီးပီစီပေါ့နော်။ အဲဒီကို တယ်လီဖုန်း ဆက်ပြီး ပြောလိုက်ရုံပဲ။ ဘယ်လမ်းမှာတော့ ဓာတ်မီးပျက်နေပြီဆိုပြီး။ ဟိုဖက်က ဟုတ်ကဲ့ဆိုပြီး နာရီဝက် ၄၅ မိနစ်လောက်ကြာတော့ ဓာတ်မီး ကပြန်လာရော။ ဘယ်သူကမှ လာပြီး လက်ဖက်ရည်ဖိုးလည်း မတောင်းဘူး။ ဘယ်တုန်းက လာပြင်သွားမှန်းတောင် မသိလိုက်ဘူး။ အဲဒီလို ကျွန်မ တို့အခြေအနေတွေ ရှိခဲ့တယ်”ဟု ၎င်းက ဆက်လက်ပြောကြားခဲ့သည်။

ထို့ပြင် “ကျွန်မအမြဲပဲ စိတ်ထဲမှာထင်တယ်။ ကျွန်မတို့ပြည်သူ ပြည်သားတွေဟာ မညံ့ဘူး။ ဒါပေမယ့် နည်းနည်းတော့ ကြောက်တတ်တယ်။ အဲတော့ ကြောက်တဲ့စိတ်တွေကို ဖယ်ရှားနိုင်ရမယ်။ အခုကျွန်မ နားလည်သလောက် တချို့နေရာတွေ မှာ အမျိုးသား ဒီမိုကရေစီအဖွဲ့ချုပ်ကို မဲပေးလိုက်ရင် ဓာတ်မီးတွေ ပြတ်သွားမှာပဲ ဆိုပြီးတော့။ အဲဒီလိုခြိမ်းခြောက်မှုတွေဟာ ရွေးကောက်ပွဲ စည်းမျဉ်း စည်းကမ်း ဥပဒေတွေနဲ့ မညီဘူးဆိုတာ အားလုံးကိုသိစေချင်ပါတယ်။ ဒီတော့ ဒီလိုခြိမ်းခြောက်မှုတွေ ရှိလို့ ရှိရင် ကျွန်မတို့ကိုတိုင်ပါ။ သတ္တိရှိရှိနဲ့ လက်မှတ်ထိုးပြီးတိုင်ပါ။ ကျွန်မတို့ ရွေးကောက်ပွဲ ကော်မရှင်ကို တင်ပြသွားပါမယ်။ ကျွန်မတို့ဟာ ရာစုနှစ်နဲ့ချီ ပြီးတော့ မီးပျက်တာကို ခံခဲ့ရတဲ့သူတွေပဲ။ ဓာတ်မီးပြတ်တာကို ကြောက်ရမှာလား။ ဒီမိုကရေစီ ယူမလား။ မီး ယူမလားဆို ဒီမိုကရေစီရလို့ရှိရင် မီး က အလိုလိုရမှာပါ။ ဒါပေမယ့် မီးရရုံနဲ့တော့ ဒီမိုကရေစီအတွက် အာမခံ ချက်မရှိဘူး။ ဒါကြောင့် ဘယ်ဟာက အဓိက၊ ဘယ်ဟာက သာမည ဆိုတာ သေသေချာချာ ခွဲခြားကြပါလို့ ကျွန်မပြောချင်ပါတယ်။ ကျွန်မက ကျွန်မတို့နိုင်ငံအတွင်းမှာ ညီညွတ်မှု တွေ အများကြီးလိုချင်တယ်။ လူတိုင်းလူတိုင်း အဖွဲ့တိုင်းအဖွဲ့တိုင်းနဲ့ ကျွန်မတို့ အဆင်ပြေချင်တယ်။ ကျွန်မတို့ကတော့ ရွေးကောက်ပွဲမှာ အနိုင်ရဖို့ ဖြောင့်ဖြောင့်မတ်မတ်ပဲ ကြိုးစားသွားပါမယ်”ဟု ၎င်းကပြောကြားခဲ့သည်။

“ကျွန်မနားလည်သလောက် က ပေါ့နော်။ ဒီဘက်မှာဆိုလို့ရှိရင် ဒက္ခိဏသီရိမြို့နယ်က ပြည်သူတွေ ဟာ အင်မတန်မှ ဘ၀မှာရုန်းကန်ရပါတယ်။ အဲတော့ ကျွန်မတို့တွေက ဘ၀တူတွေပဲ။ အမျိုးသားဒီမိုကရေစီ အဖွဲ့ချုပ်ဟာ ဘယ်လောက်ရုန်းကန် ရသလဲဆိုတာ အများသိပြီးဖြစ်ပါတယ်။ ရုန်းကန်ရတဲ့သူချင်း အတူတူ ဆိုတော့ နားလည်မှုရှိတယ်။ ဘ၀ မှာ ဘယ်လိုရုန်းကန်ရသလဲ။ ဘ၀မှာ ဘယ်လို အခက်အခဲတွေနဲ့ တွေ့ရသလဲ။ ကျွန်မတို့အဖွဲ့ချုပ်ဆိုလို့ရှိရင် ဆင်းဆင်းရဲရဲနဲ့ ပင်ပင်ပန်းပန်းနဲ့ ရပ်တည်ခဲ့တာ နှစ် ၂၀ ကျော်ပါပြီ။ ဒါကြောင့်မို့ ပြည်သူတွေရဲ့ ဆင်းရဲနွမ်းပါးမှုကို တကယ့်ကို လက်တွေ့နားလည်တဲ့အဖွဲ့ ဖြစ်ပါတယ်လို့ ကျွန်မပြောပါရစေ” ဟု ဒေါ်အောင်ဆန်းစုကြည်က ဒက္ခိဏ သီရိမြို့နယ် မဲဆွယ်စည်းရုံးမှုတွင် ပြောကြားခဲ့သည်။

“ကျွန်မတို့ရဲ့အင်မတန်မှ သတ္တိရှိရှိနဲ့ နေပြည်တော်မှာတက်ပြီး ပြိုင်တဲ့ကိုယ်စားလှယ်တွေကို အားပေးကြပါ။ ထောက်ခံကြပါ။ မဲပေးကြပါ လို့ ကျွန်မက မေတ္တာရပ်ခံချင်ပါတယ်။ ကျွန်မ ဒီမလာခင်တုန်းက စိတ်ထဲမှာ ထင်မိတယ်။ ဒက္ခိဏသီရိမြို့နယ် က ရွာသူရွာသားတွေကလည်း တော်တော်များတယ် ဆိုတော့၊ ၀န်ထမ်း တွေလည်း ပါလားတော့ မသိဘူးပေါ့နော်။ ကျွန်မက နည်းနည်းများ ကြောက်ကြမလားလို့ ထင်သေးတယ်။ အဲဒီတော့ ကြောက်တာမကြောက်တာထက် အရေးကြီးတာက မဲပေးဖို့ ကျွန်မကပြောပါရစေ။ ကျွန်မတို့က လက်တွေ့ကျတယ်လေ။ လက်တွေ့ ကျတယ် ဆိုတော့ ကြောက်တဲ့သူကို မကြောက်နဲ့လို့ အတင်းပြောလို့မရဘူး။ ဒါပေမယ့် ကျွန်မပြောချင်တာက ကြောက်သည်ဖြစ်စေ၊ မကြောက်သည်ဖြစ်စေ ကိုယ်လုပ်သင့်လုပ်ထိုက်တဲ့ ကိစ္စကိုတော့ လုပ်နိုင်အောင်လို့ ကိုယ့်ကိုယ်ကိုယ် လေ့ကျင့်ယူရမယ်။ အဲဒါဟာ ဘ၀မှာ တိုးတက်ချင်ရင် ဒီလိုပဲလုပ်ရမှာပဲ”ဟု ၎င်းက ဆက်လက်ပြောကြားခဲ့သည်။

“အခုဆိုရင် ကြားဖြတ် ရွေးကောက်ပွဲကို တစ်ကမ္ဘာလုံးက အာရုံစိုက်နေပါပြီ။ တကယ်ပဲ မြန်မာနိုင်ငံဟာ ဒီမိုကရေစီလမ်းပေါ် ရောက်ဖို့ ဦးတည်နေပါသလား ဆိုတာကို မျက်စိဒေါက်ထောက်ပြီး ကြည့်နေကြပါပြီ။ အခုဆိုရင် ဘယ်သူကဖြင့် ဖွံ့ဖြိုးရေး အကူအညီပေးချင်ပါတယ်။ ဘယ်ဝါကဖြင့် ရင်းနှီးမြှုပ်နှံချင်ပါတယ်။ ဒါတွေအားလုံး ရည်ရွယ်ချက်တွေ ရှိပါတယ်။ ဒါကြောင့် လာမယ့် ရွေးကောက်ပွဲဟာ တရားမျှတဖို့၊ သန့်ရှင်းဖို့ အများကြီးလိုပါတယ်” ဟု ဒေါ်အောင်ဆန်းစုကြည်က ပုဗ္ဗသီရိမြို့နယ် ကျည်တောင်ကန် ကျေးရွာကွင်းပြင်တွင် ပါတီအောင်နိုင်ရေး စည်းရုံးဟောပြောပွဲတွင် ထည့်သွင်း ပြောကြားခဲ့သည်။

“ဒေါ်အောင်ဆန်းစုကြည်ဟာ လူထုခေါင်းဆောင် တစ်ယောက်ဖြစ်သလို International Figure လည်း ဖြစ်ပါတယ်။ မကြာခင်မှာ လွှတ်တော်ထဲကို ရောက်ရှိပြီး တစ်ချိန်ချိန်မှာ နိုင်ငံခေါင်းဆောင်တစ်ဦး သို့မဟုတ် နိုင်ငံအတွက် အရေးပါတဲ့တာဝန်တွေကို ထမ်းဆောင်မယ့်သူတစ်ဦး ဖြစ်ပါတယ်။ ဒါကြောင့် ဒေသဆိုင်ရာ အာဏာပိုင်တွေ အပါအ၀င် တာဝန်ရှိသူတွေအနေနဲ့ သူ့ဂုဏ်သိက္ခာနဲ့ လျော်ညီတဲ့ လေးစားစွာပြုမူ ဆက်ဆံပြောဆိုမှုမျိုး လုပ်သင့်ပါတယ်။ ဘာမဟုတ်တဲ့ အသေးအဖွဲကိစ္စမျိုးတွေက အစ အဟန့်အတား ဖြစ်စေတာမျိုး မလုပ်သင့်ပါဘူး။ အမျိုးသားဒီမိုကရေစီ အဖွဲ့ချုပ်ရဲ့ မဲဆွယ်စည်းရုံးရေး လုပ်ဆောင်မှုတွေ အပေါ် သာမန်ပါတီတစ်ခုရဲ့ လုပ်ဆောင်မှုမျိုးလို့ မမှတ်ယူသင့်ပါဘူး။ ဒေါ်အောင်ဆန်းစုကြည် အနေနဲ့ အမျိုးသား ပြန်လည် သင့်မြတ်ရေးကို ထောက်ရှုပြီး ရွေးကောက်ပွဲ ၀င်ရောက် ယှဉ်ပြိုင်တာပါ။ ဒါကြောင့် ဒေါ်အောင်ဆန်းစုကြည် အပေါ် အလေးထား ဆက်ဆံတာဟာ အမျိုးသားပြန်လည် သင့်မြတ်ရေးကို လိုလားကူညီတာနဲ့ အတူတူပါပဲ။ တစ်ဖက်ကလည်း လူထုခေါင်းဆောင် တစ်ဦးရဲ့ လုံခြုံရေးအတွက် ယာဉ်တန်းနဲ့ လူအများကြီး တောက်လျှောက် သွားလာမှုမျိုးထက် သတ်သတ်မှတ်မှတ် နေရာ တွေမှာပဲ လုပ်ဆောင်သင့်ပါတယ်။ လုံခြုံရေးအရ တစ်ခုခုဖြစ်ခဲ့ရင် တိုင်းပြည်မှာနစ်နာစရာတွေ အများကြီးပါ။ ဒီလိုအချိန်မျိုးမှာ အမျိုးသားပြန်လည် သင့်မြတ်ရေးအတွက် နှစ်ဦးနှစ်ဖက် ချိန်ချိန်ဆဆ လုပ်ဆောင်သင့်တယ်။ ချိန်ဆပြီးလည်း စကားပြောသင့်ပါတယ်”ဟု Eleven Media Group ၏ CEO ဒေါက်တာသန်းထွဋ်အောင် က ပြောကြားခဲ့သည်။

Source : ELEVEN MEDIA GROUP