ပြည်ထောင်စုဝန်ကြီး ဌာနများ၏ မသမာမှုများနှင့် လိမ်လည်မှုများ

ပြည်ထောင်စု ၀န်ကြီးဌာနများ ၏ လုပ်ငန်းများ၊ စက်ရုံအလုပ်ရုံများ တွင် စွမ်းရည်နိမ့်ကျမှုများ၊ ဆုံရှုံး မှုများ၊ မသမာမှုများ၊ လိမ်လည်မှုများ အပါအ၀င် ငွေကြေးဆိုင်ရာ လုပ်ထုံးလုပ်နည်းများကို မလိုက်နာမှုများ ရှိနေကြောင်း ပြည်ထောင်စုစာရင်း စစ်ချုပ်ရုံး၏ အစီရင်ခံစာတွင် ဖော်ပြထားကြောင်း ပြည်ထောင်စု လွှတ်တော် ကိုယ်စားလှယ်များက ပြောကြားခဲ့သည်။

ပြည်ထောင်စု စာရင်းစစ်ချုပ်ရုံး၏ အရေးကြီးသော စစ်ဆေးတွေ့ရှိ ချက်များကို စာအမှတ်စဆ/ ၂၂၁ (၆/၂၀၁၂)နှင့်စဆ- ၃/၆၀၃၅ (၈၂/၂၀၁၂)တို့ဖြင့် ပြည်သူ့လွှတ်တော်၊ ပြည်သူ့ငွေစာရင်း ကော်မတီသို့ အစီရင်ခံ ပေးပို့ခဲ့ရာတွင် အမှတ် (၁)စက်မှုဝန်ကြီးဌာန၊ လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန၊ သတ္တုတွင်းဝန်ကြီးဌာန၊ ပြန်ကြားရေးဝန်ကြီးဌာန၊ သမ၀ါယမ၀န်ကြီး ဌာနနှင့် စက်မှုဝန်ကြီးဌာနတို့၏ ယခင် အစိုးရလက်ထက်မှ ငွေကြေးဆိုင်ရာ လုပ်ထုံးလုပ်နည်း မလိုက်နာမှုများကို ထည့်သွင်း ဖော်ပြခဲ့ခြင်းဖြစ်ကြောင်း သိရှိရသည်။

ပြန်ကြားရေးဝန်ကြီးဌာန၊ သတင်းနှင့် စာနယ်ဇင်းလုပ်ငန်း ကွပ်ကဲမှုအောက်ရှိ မြန်မာ့အလင်း သတင်းစာတိုက်၏ ၂၀၁၀-၂၀၁၁ ဘဏ္ဍာရေးနှစ် လုပ်ငန်းနှင့် စာရင်းများကို ရန်ကုန်တိုင်း ဒေသကြီး စာရင်းစစ်ချုပ်ရုံးမှ စစ်ဆေးခဲ့ရာ ၂၀၀၈ ခုနှစ် ဧပြီလမှ ၂၀၁၁ ခုနှစ် ဇူလိုင်လအတွင်း သတင်းစာဖိုး ရောင်းရငွေ ကျပ်သန်း ၂၅၈ ဒသမ ၆၂၆ ကို အလွဲသုံးစား ပြုထားကြောင်း . . .

ယခင်အမှတ်(၁)စက်မှုဝန် ကြီး ဌာန၊ မြန်မာ့ဆေးဝါးနှင့် စားသောက်ကုန် လုပ်ငန်း ကွပ်ကဲမှုအောက်ရှိ အမှတ်(၁)ဂျုံနှင့် ဂျုံထွက်ပစ္စည်းစက်ရုံ (စစ်ကိုင်း)သည် ရသာမွန်ခေါက်ဆွဲများ ထုတ်လုပ်ရန်အတွက် ခွဲတမ်းရ ရှိသည့် မီးထိုးဆီများကို ထုတ်ယူပြီး စက်ရုံသို့ သယ်ဆောင်ခြင်း မရှိဘဲ ရောင်းစားခဲ့ကြောင်း၊ ခေါက်ဆွဲများ အမှန်မထုတ်ဘဲ အထုတ်ပြပြီး ပုဂ္ဂလိကများကို ထုတ်ခိုင်းခြင်း၊ စာရင်း လိမ်ပြခြင်းများ ဆောင်ရွက်ခဲ့ကြောင်း ပါရှိသည်။
လယ်/ဆည်ဝန်ကြီးဌာန၊မြန်မာ့စက်မှု သီးနှံဖွံ့ဖြိုးရေးလုပ်ငန်းကွပ် ကဲမှုအောက်ရှိ ဂုန်လျှော်နှင့်လျှော်မျှင် များလုပ်ငန်းဌာနဒေါပုံကော်ဇောပစ္စည်း စက်ရုံ၏ ၂၀၁၀-၂၀၁၁ ဘဏ္ဍာရေး နှစ်အတွက် လုပ်ငန်းစာရင်းများကို ရန်ကုန်တိုင်းဒေသကြီးစာရင်း စစ် ချုပ်ရုံးမှစစ်ဆေးခဲ့ရာ အသားတင် အရှုံးကျပ်သန်း ၃၄၄ ဒသမ ၄၅၂ ဖြစ်သော်လည်း အရှုံးကျပ်သန်း ၁၂၄ ဒသမ ၅၀၂ လျော့နည်းအောင် လုပ် ကြံဖန်တီး၍ နှစ်ချုပ်စာရင်းရှင်းတမ်း တွင် အရှုံးကျပ်သန်း ၂၁၉ ဒသမ ၉၅၀ သာ ဖော်ပြခဲ့မှုဖြစ်သည်။
သတ္တုတွင်းဝန်ကြီးဌာန၊ အ မှတ်(၁)သတ္တုတွင်းလုပ်ငန်းနှင့်မြန်မာ အိုင်ဗင်ဟိုကုမ္ပဏီလီမိတက်တို့ ပိုင် ဆိုင်သည့် မြန်မာ့အိုင်ဗင်ဟို ကြေးနီကုမ္ပဏီ လီမိတက်၏ အစုရှယ်ယာ ၅၀ ရာခိုင်နှုန်းကို ပြည်ထောင်စု မြန်မာနိုင်ငံ စီးပွားရေးဦးပိုင် လီမိတက်သို့ ရောင်းချခဲ့ကြောင်း၊ အစုရှယ်ယာ လွှဲပြောင်း ၀ယ်ယူမှုအတွက် ပြည်ထောင်စု မြန်မာနိုင်ငံ စီးပွားရေး ဦးပိုင် လီမိတက် မှ အမှတ်(၁)သတ္တုတွင်း လုပ်ငန်းထံ အမေရိကန်ဒေါ်လာသန်း ၁၀၀ ကျော် ပေးချေခဲ့သော်လည်း အဆိုပါ ပေးချေမှုမှာ ပြည်ထောင်စု မြန်မာနိုင်ငံ စီးပွားရေး ဦးပိုင်လီမိတက်မှ ပေးချေခြင်း မဟုတ်ဘဲ ဟောင်ကောင်မှ Wanbo Mining Copper Limited မှ ပေးပို့ခဲ့ခြင်းဖြစ်ကြောင်း တွေ့ရှိခဲ့သည်။

ပြန်ကြားရေး ၀န်ကြီးဌာန၊ သတင်းနှင့် စာနယ်ဇင်း လုပ်ငန်း ကွပ်ကဲမှုအောက်ရှိ မြန်မာ့အလင်း သတင်း စာတိုက်၏ ၂၀၁၀-၂၀၁၁ ဘဏ္ဍာ ရေးနှစ် လုပ်ငန်းနှင့် စာရင်းများကို ရန်ကုန်တိုင်းဒေသကြီး စာရင်းစစ်ချုပ် ရုံးမှစစ်ဆေးခဲ့ရာ ၂၀၀၈ ခုနှစ် ဧပြီလမှ ၂၀၁၁ ခုနှစ် ဇူလိုင်လအတွင်း သတင်းစာဖိုးရောင်းရငွေ ကျပ်သန်း ၂၅၈ ဒသမ ၆၂၆ ကိုအလွဲသုံးစားပြုထားကြောင်း၊ တာဝန်ရှိသူများအား အရေးယူသည်ကို တွေ့ရသော်လည်း သတင်းစာတိုက်တွင် ငွေကြေးများနှင့် ပတ်သက်၍ လုပ်ထုံးလုပ်နည်းများကို လိုက်နာမှု မရှိခြင်းများတွေ့ရသဖြင့် ပြုပြင်ရန်လိုကြောင်း ဖော်ပြထားသည်။
ထို့ပြင် ယခင်အမှတ်(၂)စက်မှု ၀န်ကြီးဌာန၊ အမှတ်(၁)အထွေထွေ အကြီးစားစက်မှု လုပ်ငန်းကွပ်ကဲမှု အောက်ရှိ အမှတ်(၁၁)၊ အထွေထွေ အကြီးစားစက်ရုံ(ရန်ကုန်)၏ ၂၀၁၀ -၂၀၁၁ ဘဏ္ဍာရေးနှစ်အတွက် အရှုံးပေါ်နေသည့် လုပ်ငန်းနှင့်စာရင်းများ ကို အမြတ်ပေါ်အောင် လိမ်လည်ဖန်တီး ရေးဆွဲခဲ့သည်ကို တွေ့ရှိခဲ့ခြင်း ဖြစ်သည်။

လက်ရှိရေး ဆွဲတင်ပြသော ဘတ်ဂျက်၏ လိုငွေနှင့် GDP ၏ အချိုးအမှန်မှာ ၈ ဒသမ ၂၄ ရာခိုင်နှုန်း ဖြစ်နေသောကြောင့် နိုင်ငံတော်စီးပွားရေး အဖွဲ့အစည်းများသို့ လှည့်ပတ်ရန်ပုံငွေအဖြစ် နိုင်ငံတော် ရန်ပုံငွေမှထုတ်ချေးရန် တင်ပြထားခြင်းကို ပြန်လည်သုံးသပ်သင့်ကြောင်း၊ ပြည်ထောင်စု စာရင်းစစ်ချုပ်၏ စစ်ဆေးချက်အရ နိုင်ငံတော်ပိုင်စက်ရုံ၊ အလုပ်ရုံနှင့် စီမံကိန်း လုပ်ငန်းများတွင် စွမ်းရည်နိမ့်ကျခြင်း၊ ဆုံးရှုံးခြင်းများ သာမက နှစ်ချုပ်စာရင်းများကို လိမ်လည်ရေးဆွဲ ခြင်းများကို တွေ့ရှိလာရသဖြင့် ပြည်သူ့ဘဏ္ဍာငွေများကို ခွင့်ပြုရာတွင် ပြည်ထောင်စု လွှတ်တော်အနေဖြင့် ပိုမိုဂရုပြု အချိန်ယူစိစစ်ရန် လိုအပ်လာကြောင်း ပြည်သူ့လွှတ်တော်၊ပြည်သူ့ ငွေစာရင်းကော်မတီက သုံးသပ်ထားသည်။
Source :EMG
___________________________________________________________

လွှတ်တော် အဆောက်အအုံ ၃၃ လုံး၊ သမ္မတအိမ်တော်နှင့် ဒုတိယ သမ္မတအိမ်တော် ခုနှစ်လုံးအတွက် ငွေကျပ် ၂၈ ဘီလျံကျော် သုံးစွဲခဲ့
၂၀၁၁-၂၀၁၂ ဘဏ္ဍာရေး နှစ်အတွင်း တည်ဆောက်ပြီးစီးခဲ့သော နေပြည်တော် စီမံကိန်းများ အနက် လွှတ်တော် အဆောက်အအုံ ၃၃လုံး၊ သမ္မတအိမ်တော်နှင့် ဒုတိယ သမ္မတအိမ်တော် ခုနစ်လုံးအတွက် ငွေကျပ် ၂၈ ဘီလျံကျော် သုံးစွဲခဲ့ကြောင်း သမ္မတရုံးဝန်ကြီးဌာန ပြည်ထောင်စုဝန်ကြီး ဦးသိန်းညွန့် က မတ်လ ၅ ရက်နေ့တွင် ကျင်းပသည့် ပထမအကြိမ် ပြည်ထောင်စု လွှတ်တော် တတိယပုံမှန် အစည်းအဝေး ၁၈ ရက်မြောက်နေ့ အစီအစဉ်တွင် ပြောကြားခဲ့သည်။


နေပြည်တော်ရှိ လွှတ်တော် အဆောက်အအုံများကို တွေ့ရစဉ်သမ္မတရုံးဝန်ကြီးဌာန ပြည်ထောင်စုဝန်ကြီး ဦးသိန်းညွန့်က “လွှတ်တော် အဆောက်အအုံ ၃၃ လုံး အတွက် ၁၉ ဒသမ ၀၁ ဘီလျံ၊ သမ္မတအိမ်တော် အတွက် ၅ ဒသမ ၈၅ ဘီလျံ၊ ဒုသမ္မတ အိမ်တော်ခုနစ် လုံးအတွက် ၃ ဒသမ ၇၁ ဘီလျံ၊ စုစုပေါင်း ၂၈ ဒသမ ၅၆ ဘီလျံ သုံးစွဲခဲ့ပါတယ်။ ထို့ပြင် အမျိုးသား ပြတိုက် အတွက် ၃ ဒသမ ၀၇ ဘီလျံ၊ အမျိုးသား စာကြည့်တိုက်အတွက် ၁ ဒသမ ၇၈ ဘီလျံ၊ အမျိုးသား မော်ကွန်းတိုက် အတွက် ၀ ဒသမ ၇၈ ဘီလျံ၊ နိုင်ငံတော် ဧည့်ဂေဟာ ၄၀ လုံးအတွက် ၂၁ ဒသမ ၉၄ ဘီလျံ၊ အခြား အဆောက်အဦနှင့် ဆက်စပ်လုပ်ငန်းများ အတွက် ၅၇ ဒသမ ၇၇ ဘီလျံ၊ လမ်းလုပ်ငန်း အတွက် ၄၄ ဒသမ ၃၆ ဘီလျံ၊ ရေရ ရှိရေးလုပ်ငန်းအတွက် ၂ ဒသမ ၃၆ ဘီလျံ၊ ဆည်နှင့်ရေစီးရေလာ လုပ်ငန်းအတွက် ၂ ဒသမ ၈၇ ဘီလျံသုံး စွဲခဲ့ပါတယ်”ဟုပြောကြားခဲ့သည်။
ထို့ပြင် ဌာနဆိုင်ရာ(လျှပ်စစ်၊ ဆက်သွယ်ရေး၊ ဆောက်လုပ် ရေး)အတွက် ၆ ဒသမ ၇၁ ဘီလျံ၊ အမြတ်ခွန်နှင့် အမြတ်ငွေ ၁၄ ဒသမ ၈၆ ဘီလျံနှင့် စာရင်းစစ် ဆေးမှုအရ အပြီးသတ် စာရင်းရှင်းရန်ငွေနှင့် နိုင်ငံတော်သို့ Withholding Tax နှစ်ရာခိုင်နှုန်း ပေးသွင်းရန် ၄၆ ဒသမ ၉၁ ဘီလျံ ကုန်ကျခဲ့ကြောင်း ပြည်ထောင်စုဝန်ကြီး ဦးသိန်းညွန့်က ပြောကြားခဲ့သည်။
EMG