ကျန်ရှိ ယုံကြည်ချက်အကျဉ်းသားများ စိစစ်၍ ထပ်မံလွှတ်ပေးမည်ဟု သူရဦးရွှေမန်း ပြောကြား
မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် Tomás Ojea Quintana ပြည်သူ့လွှတ်တော်ဥက္ကဋ္ဌ သူရ ဦးရွှေမန်း တွေ့ဆုံစဉ်
ပြည်သူ့လွှတ်တော် ဥက္ကဋ္ဌနှင့် ကုလသမဂ္ဂ လူ့အခွင့်အရေး ကိုယ်စားလှယ်တို့အား တွေ့ရစဉ်
ယုံကြည်ချက် အကျဉ်းသားများ ကျန်ရှိနေသေးကြောင်း NLD မှ ထပ်မံ စာရင်းပေးလာပါက သက်ဆိုင်ရာမှ စိစစ်ညှိနှိုင်း ဆောင်ရွက်ပေးမည်ဟု မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် Tomás Ojea Quintana နှင့်တွေ့ဆုံစဉ် ပြည်သူ့လွှတ်တော်ဥက္ကဋ္ဌ သူရ ဦးရွှေမန်းက ပြောကြားခဲ့သည်။
ပြည်သူ့လွှတ်တော်ဥက္ကဋ္ဌ သူရ ဦးရွှေမန်းက “လူ့အခွင့်အရေးနဲ့ပတ် သက်လို့ သူက UNကို လာမယ့် မတ်လမှာ အစီရင်ခံစာတင်မယ်။ အဲလိုတင်နိုင်ဖို့အတွက် မြန်မာနိုင်ငံ က သတင်း အချက်အလက်တွေကို လာလေ့လာတာ။ သူပြောတာက မြန်မာနိုင်ငံရဲ့ နိုင်ငံရေးပြုပြင်ပြောင်းလဲမှုတွေက အင်မတန် အားရစရာ ကောင်းပါတယ်။ ကျေနပ်စရာ ကောင်းပါတယ်။ ဒီအတွက်လည်း သူတို့ဘက်က ဆက်လက်ပြီးတော့ ဒီလိုတိုးတက်အောင် ဆောင်ရွက်ဖို့အတွက် မျှော်လင့်တယ်ဆိုတဲ့အကြောင်း ပြောတယ်။
မိမိတို့ဘက်ကလည်း ကိုယ့်နိုင်ငံတိုးတက် ဖွံ့ဖြိုးရေးအတွက် ဒီလိုပြုပြင်ပြောင်းလဲမှုတွေ ဆက်ပြီး လုပ်မှာလို့ ပြန်ပြောလိုက်ပါတယ်။ အဲဒီတော့ သူက ဘာထပ်ပြောလဲဆိုရင် လာမယ့် ကြားဖြတ်ရွေးကောက်ပွဲ မှာ လွတ်လပ်ပြီး တရားမျှတတဲ့ ရွေးကောက်ပွဲဖြစ်တယ် ဆိုလို့ရှိရင် မြန်မာနိုင်ငံအတွက် များစွာ အခွင့်အလမ်းတွေ ကောင်းပါတယ်လို့ ပြောတယ်။ မိမိတို့ကလည်း ကတိပေး လိုက်တယ်။ ရွေးကောက်ပွဲဟာ လွတ်လပ်ပြီး မျှတတဲ့ရွေးကောက်ပွဲ ဖြစ်ရ မယ်။ စောင့်ကြည့်ပါ။ အပြော မဟုတ်ဘူး။ အလုပ်နဲ့ စောင့်ကြည့်ပါလို့ ပြောလိုက်တယ်။ လူ့အခွင့်အရေး အခြေအနေနဲ့ ပတ်သက်ပြီး လောလောဆယ်သူတို့က တို့နိုင်ငံရဲ့ ရပ်တည် ဆောင်ရွက်ချက်တွေက အင်မတန် တိုးတက်ကောင်းမွန်တယ်။
အားရကျေနပ်ပါတယ်လို့ ပြောပါတယ်။ ယုံကြည်ချက် အကျဉ်းသား နဲ့ပတ်သက်လို့ သူတို့က မေးတယ်။ မေးတဲ့အခါမှာ ပြီးခဲ့တဲ့ အပတ်တုန်းကလည်း ယုံကြည်ချက် အကျဉ်းသားလို့ခေါ်သော သူများကို NLD ဘက် က စာရင်းပေးတဲ့အတွက် သက်ဆိုင်ရာ တာဝန်ရှိတဲ့သူတွေက စိစစ်ပြီးတော့ လွတ်ငြိမ်းချမ်းသာခွင့် ပေးလိုက်ပြီ။ သို့ရာတွင် အဲဒီအထဲမှာ ကျန်နေသေးတယ်လို့ ပြောတယ်။ ပြောတော့ သူတို့ပေးတဲ့ စာရင်းအတိုင်းပဲ ဒီကခွင့်ပြုပေးလိုက်တာ။ သို့ရာတွင် ကျန်နေသေးတယ် ဆိုတဲ့လူတွေက တခြားပြစ်မှုဆိုင်ရာ ဥပဒေအရ အရေးယူ ခံထားရတဲ့သူတွေ ဖြစ်ကောင်းဖြစ်နိုင်တယ်။ ဒါပေမယ့်ထပ်ပြီး သူတို့ဘက်က ကျန်နေသေးတယ်လို့ စာရင်းပေးတယ်ဆိုရင် သက်ဆိုင်ရာက စိစစ်ပြီး ညှိုနှိုင်းပြီး ဆောင်ရွက်ပေးပါလိမ့်မယ်။ အဲဒီအတွက်လည်း မိမိတို့က ကတိပြုလိုက်ပါတယ်”ဟု သတင်းထောက်များအား ပြောကြားခဲ့ပါသည်။
Source : EMG
