နိုင်ငံတော်သမ္မတ ဦးသိန်းစိန် ၏နိုင်ငံတကာသတင်းမီဒီယာနှင့် ပထမဆုံးအကြိမ်တွေ့ဆုံမှု (အပိုင်း ၁၊၂၊ ၃)

The Messenger Journal — ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးသိန်းစိန်သည် နိုင်ငံတကာ သတင်းမီဒီယာနှင့် ပထမဆုံး တွေ့ဆုံမှုအဖြစ် The Washington Post သတင်းစာမှ အကြီးတန်းအယ်ဒီတာတစ်ဦးဖြစ်သော Ms. Eizabeth Graham Weymouth အား လက်ခံတွေ့ဆုံခဲ့သည်။ The Washington Post သတင်းစာ၏ မေးမြန်းချက်များနှင့် နိုင်ငံတော် သမ္မတ၏ ဖြေကြားချက်များကို The Washington Post သတင်းစာက ဖော်ပြထားသည့်အတိုင်း ဘာသာပြန်ဆို ဖော်ပြမည်ဖြစ်ပါသည်။

The Washington Post ။ ။ အခုဆို နိုင်ငံတော်သမ္မတကြီးဟာ နိုင်ငံရေးအကျဉ်းသားတွေကိုလည်း လွှတ်ပေးပြီးပါပြီ၊ ဒေါ်အောင်ဆန်းစုကြည်နဲ့ NLD ပါတီကိုလည်း လာမယ့် ကြားဖြတ်ရွေးကောက်ပွဲမှာ ပါဝင်ယှဉ်ပြိုင်ခွင့်ရအောင် လမ်းဖွင့်ပေးပြီးပါပြီ၊ တိုင်းရင်းသားလက်နက်ကိုင် အဖွဲ့အစည်းတွေနဲ့လည်း ငြိမ်းချမ်းရေးဆွေးနွေးပွဲတွေ တော်တော်များများ လုပ်ပြီးတာ တွေ့နေရပါပြီ၊ နိုင်ငံတော်သမ္မတကြီးတို့ အစိုးရသစ် တက်လာတဲ့ အချိန်တိုလေးအတွင်းမှာတင် ဒီလောက် များပြားတဲ့ အပြောင်းအလဲတွေကို အကောင်အထည်ဖော်နိုင်ခဲ့တာ ချီးကျုးစရာပါပဲ၊ ဒီလို အပြောင်းအလဲကောင်းတွေ ဖော်ဆောင်ဖြစ်ခဲ့တဲ့ အကြောင်းရင်းခံလေးများ ရှိရင် သိချင်ပါတယ်။

ဦးသိန်းစိန် ။ ။ ခုလို ပြုပြင်ပြောင်းလဲရေးတွေ လုပ်ဖြစ်ခဲ့တာ ပြည်သူတွေရဲ့ တိုက်တွန်းလှုံ့ဆော်မှု အများကြီးပါပါတယ်။ ပြည်သူတွေရဲ့ သဘောထား ဆန္ဒနဲ့အညီ ပြုပြင်ပြောင်းလဲရေးတွေ လုပ်ခဲ့တာပါ။ ပြည်သူတွေက တိုင်းပြည်ကို တည်ငြိမ်စေချင်တယ်၊ ငြိမ်းချမ်းစေချင်တယ်၊ ဖွံ့ဖြိုးတိုးတက်စေချင်တယ်။ တိုင်းပြည် တည်ငြိမ်ဖို့ ငြိမ်းချမ်းဖို့ ဖွံ့ဖြိုးတိုးတက်ဖို့ဆိုတာ ပြည်တွင်းမှာရှိတဲ့ နိုင်ငံရေးပါတီတွေအချင်းချင်း ညီညွတ်ကြဖို့ လိုပါတယ်။ ဒါကြောင့် ဒေါ်အောင်ဆန်းစုကြည်နဲ့ တွေ့ဆုံဆွေးနွေးခဲ့တာပါ။ ဒေါ်အောင်ဆန်းစုကြည်နဲ့ တွေ့ဆုံဆွေးနွေးမှုကနေ နှစ်ဦးနှစ်ဖက် သဘောတူချက်တွေလည်း ရခဲ့ပါတယ်။

ပြည်သူတွေဟာ တိုင်းပြည် တည်ငြိမ် အေးချမ်းတာကို လိုချင်ကြပါတယ်။ ပြည်သူတွေရဲ့ သဘောထား ဆန္ဒကို အကောင်အထည်ဖော်ပေးဖို့အတွက် တိုင်းရင်းသားလက်နက်ကိုင် အဖွဲ့အစည်းတွေနဲ့ ငြိမ်းချမ်းရေးဆွေးနွေးခဲ့ပါတယ်။ မြန်မာနိုင်ငံရဲ့ ပြုပြင်ပြောင်းလဲရေးလမ်းစဉ်အားလုံးဟာ ပြည်သူတွေရဲ့ သဘောထား ဆန္ဒနဲ့အညီ ဆောင်ရွက်နေတာ ဖြစ်ပါတယ်။

The Washington Post ။ ။ ဘာပဲဖြစ်ဖြစ် နိုင်ငံတော်သမ္မတကြီးရဲ့ ဦးဆောင်မှုကလည်း အရေးပါတဲ့ အခန်းကဏ္ဍမှာ ပါပါတယ်။ ပြည်သူတွေရဲ့ သဘောထား ဆန္ဒတွေ အကောင်အထည်ပေါ်လာဖို့ဆိုတာ နိုင်ငံတော်သမ္မတကြီးရဲ့ ဆုံးဖြတ်ချက်တွေပေါ်မှာ မူတည်နေပါတယ်။ ခုဆို နိုင်ငံတော်သမ္မတကြီးဟာ နိုင်ငံရေးအကျဉ်းသားတွေ လွှတ်ပေးဖို့၊ ဒေါ်အောင်ဆန်းစုကြည်နဲ့ တွေ့ဆုံဖို့ဆိုတဲ့ ကြီးမားတဲ့ ဆုံးဖြတ်ချက်တွေကို ချခဲ့ပြီးပါပြီ။ သမ္မတကြီးအနေနဲ့ ဆက်လက်ပြီး ဘယ်လို ဆုံးဖြတ်ချက်မျိုးတွေ ချသွားဖို့ ရှိပါသလဲ။ ပြုပြင်ပြောင်းလဲရေးလမ်းစဉ်ကို ခုအတိုင်း ရှေ့ဆက်သွားမှာပါလား။

ဦးသိန်းစိန် ။ ။ ရှေ့ဆက်ပြီး လုပ်မှာက ပြည်သူနဲ့ အစိုးရကြားမှာ ပွင့်လင်းပြီး ထင်သာမြင်သာရှိတဲ့ ဆက်ဆံရေးပုံစံကို ထူထောင်သွားပါမယ်။ ပြည်ပနိုင်ငံတွေနဲ့လည်း အခုထက်ပိုပြီး ရင်းနှီးပွင့်လင်းတဲ့ ဆက်ဆံရေးမျိုး ထူထောင်သွားပါမယ်။

The Washington Post ။ ။ ဖော်ဆောင်ပြီးခဲ့တဲ့ ပြုပြင်ပြောင်းလဲရေးတွေဟာ အားရစရာပါ။ ဆက်ပြီးတော့ကော ဘယ်လို ပြုပြင်ပြောင်းလဲရေးကောင်းတွေ ဆက်လက် အကောင်အထည်ဖော်ဖို့ ရှိပါသလဲ။

ဦးသိန်းစိန် ။ ။ နိုင်ငံတွင်းမှာ တည်ငြိမ် အေးချမ်းပြီး စီးပွားရေး ဖွံ့ဖြိုးတိုးတက်လာဖို့ ဆက်လက် လုပ်ဆောင်သွားမှာပါ။ တည်ငြိမ် အေးချမ်းပြီး ဖွံ့ဖြိုးဖို့အတွက် အဓိကလိုအပ်ချက်တွေကို ဆက်လက် ဖြည့်ဆည်းသွားမှာပါ။

The Washington Post ။ ။ ခုဆို နိုင်ငံရေးအကျဉ်းသားတွေ လွှတ်ပေးခဲ့တယ်၊ တိုင်းရင်းသား လက်နက်ကိုင်အဖွဲ့တွေနဲ့ ငြိမ်းချမ်းရေး ဆွေးနွေးမှုတွေလည်း လုပ်ခဲ့တယ်၊ အကျိုးဆက်အဖြစ် မြန်မာနိုင်ငံနဲ့ အမေရိကန်နိုင်ငံရဲ့ ဆက်ဆံရေးဟာလည်း ပြန်လည်ကောင်းမွန်လာတာ တွေ့ရပါတယ်။ ရှေ့ဆက်ပြီး ဘာတွေ ဆက်လုပ်ဖို့ ရှိပါသလဲ။

ဦးသိန်းစိန် ။ ။ လာမယ့် ဧပြီ ၁ ရက်နေ့မှာ ကျင်းပမယ့် ကြားဖြတ်ရွေးကောက်ပွဲမှာ ဒေါ်အောင်ဆန်းစုကြည်အပါအဝင် NLD နဲ့ အခြားပါတီတွေ ဝင်ပြိုင်နိုင်အောင် ရွေးကောက်ပွဲဆိုင်ရာ ဥပဒေတွေကို လွှတ်တော်က ပြင်ဆင်အတည်ပြုပေးထားပြီးပါပြီ။ NLD ဟာလည်း နိုင်ငံရေးပါတီအဖြစ် မှတ်ပုံတင်ထားပြီးဖြစ်သလို ဒေါ်အောင်ဆန်းစုကြည်အနေနဲ့လည်း လာမယ့် ကြားဖြတ်ရွေးကောက်ပွဲမှာ ဝင်ပြိုင်ပါလိမ့်မယ်။ ပြည်သူတွေက မဲပေးရွေးချယ်မယ်ဆို ဒေါ်အောင်ဆန်းစုကြည်ဟာလည်း ပြည်သူကို ကိုယ်စားပြုတဲ့ လွှတ်တော်ကိုယ်စားလှယ်တစ်ဦး ဖြစ်လာမှာပါ။ ဒေါ်အောင်ဆန်းစုကြည်အနေနဲ့ ပြည်သူတွေရဲ့ မဲပေး ရွေးချယ်မှုကြောင့် လွှတ်တော်ကိုယ်စားလှယ်ဖြစ်လာမယ်ဆို လွှတ်တော်ကလည်း နွေးထွေးစွာ ကြိုဆိုမှာပါ။ ဒါ ရှေ့ဆက်လုပ်မယ့် အစီအစဉ်ပါ။ ဆက်ပြီး ပြောချင်တာက တိုင်းရင်းသားလက်နက်ကိုင် အဖွဲ့အစည်းတွေ ကိစ္စပါ။ ငြိမ်းချမ်းရေးရဖို့အတွက် အစိုးရနဲ့ တိုင်းရင်းသား လက်နက်ကိုင်အဖွဲ့အစည်းတွေကြားမှာ အပြန်အလှန် ယုံကြည်မှု တည်ဆောက်နိုင်ဖို့ရာမှာ နှစ်ဦးနှစ်ဖက် သဘောတူချက်တွေရဖို့ လိုအပ်ပါတယ်။ အတိုင်းအတာတစ်ခုအထိ သဘောတူညီချက်တွေ ရထားပြီးပါပြီ။ ငြိမ်းချမ်းရေးစာချုပ် ချုပ်ဆိုကြပြီး ဥပဒေဘောင်တွင်းကို ပြန်ဝင်ကြဖို့ ဆက်ကြိုးပမ်းသွားပါမယ်။

The Washington Post ။ ။ ကရင်လက်နက်ကိုင်တွေနဲ့ အပစ်အခတ် ရပ်စဲရေး သဘောတူချက် ရထားပြီးပြီနော်။

ဦးသိန်းစိန် ။ ။ နိုင်ငံတွင်းမှာ လက်နက်ကိုင်အဖွဲ့ပေါင်း ၁၁ ဖွဲ့ ရှိပါတယ်။ အားလုံးနဲ့ တွေ့ဆုံဆွေးနွေးရေးတွေ လုပ်နေပါတယ်။ နှစ်ဦးနှစ်ဖက် သဘောတူညီချက်တွေ ရအောင် ကြိုးပမ်းနေပါတယ်။ မကြာခင်မှာ ပြည်တွင်းငြိမ်းချမ်းရေးကို အပြည့်အဝ အကောင်အထည်ဖော်နိုင်မယ်လို့ မျှော်လင့်ပါတယ်။ အတိုင်းအတာတစ်ခုထိတော့ အချိန်ယူကြရဦးမှာပါ။

The Washington Post ။ ။ လာမယ့် ကြားဖြတ်ရွေးကောက်ပွဲမှာ ဒေါ်အောင်ဆန်းစုကြည် ရွေးချယ်ခံရပြီး လွှတ်တော်အမတ်ဖြစ်လာမယ်ဆို သမ္မတကြီးရဲ့ အစိုးရအဖွဲ့ထဲမှာ ဝန်ကြီးတစ်ဦးအနေနဲ့ နေရာပေးဖို့ကော ရှိပါသလား။

ဦးသိန်းစိန် ။ ။ ရွေးကောက်ပွဲ ရလဒ်အပေါ် မူတည်ပါတယ်။ ပြည်သူက ရွေးချယ်မယ်ဆို လွှတ်တော်အမတ်တစ်ဦး ဖြစ်လာပါလိမ့်မယ်။ အစိုးရအဖွဲ့မှာ ပါဝင်ခွင့်ရတဲ့ ဝန်ကြီးတွေဆိုတာ လွှတ်တော်က သဘောတူ အတည်ပြုပြီးမှ ရွေးချယ်ထားတဲ့ ဝန်ကြီးတွေပါ။

The Washington Post ။ ။ ဒေါ်အောင်ဆန်းစုကြည်ကို အစိုးရအဖွဲ့ဝင် ဝန်ကြီးအဖြစ် ခန့်အပ်ဖို့ ဆန္ဒရှိပါသလား။

ဦးသိန်းစိန် ။ ။ လွှတ်တော်က သဘောတူ အတည်ပြုပြီး ရွေးချယ်မယ်ဆို ဒေါ်အောင်ဆန်းစုကြည်ဟာလည်း အစိုးရအဖွဲ့ဝင် ဝန်ကြီးတစ်ဦး ဖြစ်ခွင့်ရှိပါတယ်။

The Washington Post ။ ။ မြန်မာ-အမေရိကန် ဆက်ဆံရေးကို ဘယ်လို ရှေ့ဆက်သွားဖို့ ရှိပါသလဲ။ မြန်မာ-အမေရိကန်ဆက်ဆံရေးကို ဘယ်လိုပုံစံမျိုး ဖြစ်စေချင်ပါသလဲ။

ဦးသိန်းစိန် ။ ။ မြန်မာ-အမေရိကန် ဆက်ဆံရေးနဲ့ ပက်သက်ပြီး အချက်သုံးချက် ပြောချင်ပါတယ်။ ပထမဆုံးတစ်ချက်အနေနဲ့ အမေရိကန် နိုင်ငံခြားရေးဝန်ကြီး ဟီလာရီ ကလင်တန်နဲ့ တွေ့ဆုံဆွေးနွေးခဲ့ပြီး ဖြစ်ပါတယ်။ ဒုတိယအချက်အနေနဲ့ မြန်မာနိုင်ငံနဲ့ အမေရိကန်နိုင်ငံဟာ သံရုံးယာယီတာဝန်ခံအဆင့် သံတမန် ဆက်ဆံရေးကို တိုးမြှင့်ဖို့ လိုအပ်နေပါပြီ။ တတိယအချက်အနေနဲ့ အမေရိကန်နဲ့ ဥရောပသမဂ္ဂက မြန်မာနိုင်ငံအပေါ် ကျင့်သုံးထားတဲ့ ပိတ်ဆို့အရေးယူထားမှုတွေ ဖြေလျှော့ပေးဖို့နဲ့ နောက်ဆုံး လုံးဝကို ရုတ်သိမ်းပေးဖို့ကိစ္စ ဖြစ်ပါတယ်။

The Washington Post ။ ။ မြန်မာနဲ့ အမေရိကန် ဆက်ဆံရေး ပုံမှန်အဆင့်အတန်းနဲ့ ပြန်ထားမယ်၊ သံတမန် အပြန်အလှန် ထားရှိရေး အကောင်အထည်ဖော်သွားမယ်လို့ နိုင်ငံခြားရေးဝန်ကြီး ဟီလာရီ ကလင်တန်က ကြေညာထားပါတယ်။

ဦးသိန်းစိန် ။ ။ သတင်း ကြားထားပြီးပါပြီ။ တရားဝင် ခန့်အပ်တာမျိုးတော့ ဒီနေ့အထိ ကြေညာချက် ထုတ်ပြန်တာ မတွေ့ရသေးပါဘူး။ အနောက်နိုင်ငံတွေက မြန်မာနိုင်ငံမှာ ဖြစ်စေချင်တဲ့ အပြောင်းအလဲ သုံးချက်ရှိပါတယ်။ ပထမတစ်ချက် နိုင်ငံရေးအကျဉ်းသားတွေ လွှတ်ပေးဖို့။ ဒုတိယတစ်ချက် ရွေးကောက်ပွဲ ကျင်းပပေးဖို့။ တတိယတစ်ချက် ဒေါ်အောင်ဆန်းစုကြည်အပါအဝင် အခြားနိုင်ငံရေးသမားတွေကိုပါ ရွေးကောက်ပွဲမှာ ပါဝင်ယှဉ်ပြိုင်ခွင့်ပေးဖို့ ဖြစ်ပါတယ်။ အချက် သုံးချက်လုံးကို အစိုးရအနေနဲ့ လုပ်ပေးပြီးပါပြီ။ ဒါကြောင့် အနောက်နိုင်ငံတွေအနေနဲ့လည်း လုပ်ပေးစရာရှိတာကို လုပ်ပေးဖို့ အချိန်တန်ပြီလို့ ပြောချင်ပါတယ်။ အပေါ်မှာ ပြောခဲ့တဲ့ အချက်သုံးချက်ကို အကောင်အထည်ဖော်ခဲ့တာဟာ ပြည်ပနိုင်ငံတွေက ဖိအားပေးလို့ လုပ်ခဲ့တာ မဟုတ်ပါဘူး။ အမျိုးသားအကျိုးစီးပွားအတွက် လုပ်သင့်လုပ်ထိုက်တဲ့ အချက်သုံးချက်ဖြစ်တဲ့အတွက် လုပ်ခဲ့တာပါ။

The Washington Post ။ ။ ပိတ်ဆို့အရေးယူထားမှုတွေ ပြန်ဖွင့်ပေးစေချင်လို့ ပြုပြင်ပြောင်းလဲရေးတွေ လုပ်ခဲ့တယ်လို့ မဆိုနိုင်ဘူးလား။ ဒါဆို ပိတ်ဆို့အရေးယူမှုတွေဟာ မထိရောက်ဘူးလို့ ဆိုလိုတာလား။

ဦးသိန်းစိန် ။ ။ အစိုးရကို ထိခိုက်အောင် ပိတ်ဆို့အရေးယူမှုတွေ လုပ်ခဲ့တယ်ဆိုပေမယ့် တစ်ကယ်တမ်း အများဆုံး ထိခိုက်နစ်နာရတာက ပြည်သူတွေပါ။ ပိတ်ဆို့အရေးယူထားမှုတွေဟာ လက်ရှိအစိုးရကိုလည်း မထိခိုက်သလို၊ ရှေ့အစိုးရကိုလည်း မထိခိုက်ခဲ့ပါဘူး။ ရှေ့အစိုးရဟာ ယနေ့ မြန်မာနိုင်ငံမှာ ပေါ်ပေါက်လာတဲ့ ဒီမိုကရေစီစနစ် ဖြစ်ထွန်းလာအောင် လမ်းကြောင်းကောင်းတွေ ဖော်ဆောင်ပေးနိုင်ခဲ့ပါတယ်။

The Washington Post ။ ။ ၂၀၀၄ မှာ ပေါ်ပေါက်ခဲ့တဲ့ ရှေ့လုပ်ငန်းစဉ် ၇ ရပ်ဆိုတာကို ပြောတာလား။

ဦးသိန်းစိန် ။ ။ မြန်မာနိုင်ငံမှာ ဒီမိုကရေစီစနစ် ပေါ်ပေါက်လာဖို့အတွက် ရှေ့လုပ်ငန်းစဉ် ၇ ရပ်ကို ချမှတ်အကောင်အထည်ဖော်ခဲ့တာပါ။

The Washington Post ။ ။ ဒီမိုကရေစီ ဖော်ဆောင်ပေးနိုင်ဖို့အတွက် ရှေ့လုပ်ငန်းစဉ် ၇ ရပ်ကို ချမှတ်ခဲ့တယ်လို့ ဆိုလိုတာလား။

ဦးသိန်းစိန် ။ ။ မှန်ပါတယ်။

The Washington Post ။ ။ ပြုပြင်ပြောင်းလဲရေးတွေ ဘာကြောင့် ခုမှ စလုပ်တာလဲလို့ လူတွေ သိချင်နေကြပါတယ်။ သမ္မတကြီးရဲ့ ပြောစကားအရတော့ ပြုပြင်ပြောင်းလဲရေးတွေဟာ ခုမှ စလုပ်တာ မဟုတ်ဘူး၊ အရင်ကတည်းက စပြီး တစ်ဆင့်ချင်းစီ အကောင်အထည်ဖော်ခဲ့တာလို့ သိရပါတယ်။ မှန်ပါသလား။

ဦးသိန်းစိန် ။ ။ စနစ်တစ်ခုကို နေ့ချင်းညချင်း ပြောင်းပစ်လို့ မရပါဘူး။ အဲ့လို ပြောင်းပစ်မိလို့ ဒုက္ခရောက်ခဲ့ရတဲ့ နိုင်ငံတွေကိုလည်း မြင်ကြမှာပါ။ ဒါကြောင့် ရှေ့လုပ်ငန်းစဉ် ၇ ရပ်ကို ချမှတ်ပြီး တစ်ဆင့်ချင်း အကောင်အထည်ဖော်ခဲ့တာပါ။ ခုဆို မြန်မာနိုင်ငံမှာ ပြည်သူက ရွေးကောက်တင်မြှောက်တဲ့ ဒီမိုကရေစီ အစိုးရတစ်ရပ် ပေါ်ပေါက်လာပါပြီ။

The Washington Post ။ ။ ဒါပေမယ့် လွှတ်တော်ထဲမှာ တပ်မတော်က ၂၅ ရာခိုင်နှုန်းပါနေပါတယ်။ သမ္မတကြီး အပါအဝင် အစိုးရအဖွဲ့ဝင် တော်တော်များများဟာလည်း တပ်မတော်အစိုးရလက်ထက်က အဖွဲ့ဝင်တွေ ဖြစ်နေပါတယ်။ ဒီမိုကရေစီအစိုးရဆိုတာ စစ်တပ်အပေါ်မှာပါ ဩဇာ အာဏာ သက်ရောက်မှုရှိတဲ့ ပြည်သူထဲက တက်လာတဲ့ ကိုယ်စားလှယ်တွေနဲ့ ဖွဲ့စည်းထားတဲ့ အဖွဲ့အစည်းလို့ နားလည်လက်ခံထားပါတယ်။

ဦးသိန်းစိန် ။ ။ အုပ်ချုပ်ရေးကိစ္စတွေမှာ တပ်မတော်က ပါဝင်ပက်သက်မှု လုံးဝ မရှိတော့ပါဘူး။ လွှတ်တော်မှာ တပ်မတော်အတွက် ၂၅ ရာခိုင်နှုန်း ပေးထားတာ မှန်ပါတယ်။ တိုင်းပြည် ဖွံ့ဖြိုးရေးလုပ်ငန်းတွေမှာ တပ်မတော်ရဲ့ ပူးပေါင်းကူညီမှုကို လိုပါတယ်။ တပ်မတော်ကိုလည်း လုံးဝ ဖယ်ထုတ်ခဲ့လို့ မဖြစ်ပါဘူး။


The Washington Post ။ ။ အမေရိကန်အမြင်အရတော့ တိုင်းပြည်တစ်ပြည်မှာ အင်အားတောင့်တင်းတဲ့ စစ်တပ် ရှိကိုရှိဖို့ လိုအပ်တာ မှန်ပေမယ့် အဲ့စစ်တပ်အပေါ်မှာ ပြည်သူက ရွေးကောက်တင်မြှောက်တဲ့ ပြည်သူ့ကိုယ်စားလှယ်အစိုးရဟာ အလုံးစုံ အာဏာလွှမ်းမိုးခွင့် ရှိရပါမယ်။ အမေရိကန်သမ္မတဟာ အမေရိကန် စစ်ဦးစီးချုပ်ထက် လုပ်ပိုင်ခွင့် အာဏာ ပိုရှိပါတယ်။ ဒါကို ဒီမိုကရေစီလို့ အဓိပ္ပါယ်ဖွင့်နိုင်ပါတယ်။

ဦးသိန်းစိန် ။ ။ မြန်မာနိုင်ငံရဲ့ ဖွဲ့စည်းပုံ အခြေခံဥပဒေကို သေချာလေ့လာမယ်ဆိုရင် မြန်မာ သမ္မတဟာလည်း စစ်ဦးစီးချုပ်ဖြစ်သူကို ရွေးချယ်ခန့်ထားပိုင်ခွင့်ရှိတယ်ဆိုတာ တွေ့ပါလိမ့်မယ်။

The Washington Post ။ ။ မြန်မာနဲ့ မြောက်ကိုရီးယားဆက်ဆံရေး ဘယ်လိုရှိပါသလဲ။ မြန်မာနိုင်ငံဟာ မြောက်ကိုရီးယားနဲ့ ပူးပေါင်းပြီး နျူကလီးယားလက်နက်ထုတ်လုပ်ဖို့ ကြိုးပမ်းနေတယ်ဆိုတဲ့ သတင်းတွေ ကြားရပါတယ်။ အဲ့ကိစ္စနဲ့ ပက်သက်ပြီးကော ဘယ်လို မှတ်ချက်ပေးချင်ပါသလဲ။

ဦးသိန်းစိန် ။ ။ မြန်မာနိုင်ငံနဲ့ မြောက်ကိုရီးယားနိုင်ငံဟာ သံတမန်ရေးအရ ကောင်းမွန်တဲ့ ဆက်ဆံရေးရှိပါတယ်။ နျူကလီးယားအရေး၊ စစ်ရေးအရ ပူးပေါင်းဆောင်ရွက်မှုမျိုးတော့ လုံးဝ မရှိပါဘူး။ ထင်ရာမြင်ရာ စွပ်စွဲချက်တွေသာ ဖြစ်ပါတယ်။ နိုင်ငံတကာမှာလည်း မြန်မာနိုင်ငံဟာ နျူကလီးယားလက်နက် မပြန့်ပွားရေးစာချုပ်မှာ သဘောတူလက်မှတ်ထိုးထားတဲ့ နိုင်ငံတစ်နိုင်ငံဖြစ်ပါတယ်။ ကုလသမဂ္ဂက ချမှတ်ထားတဲ့ စည်းမျဉ်းစည်းကမ်းတွေကိုလည်း အပြည့်အဝ လိုက်နာတဲ့ နိုင်ငံဆိုတာ အားလုံး မြင်နိုင်ပါတယ်။ မြောက်ကိုရီးယားနိုင်ငံနဲ့ နျူကလီးယားအရေး ပူးပေါင်းဆောင်ရွက်မှု လုံးဝ မရှိပါဘူး။ နျူကလီးယားလက်နက် ထုတ်လုပ်နိုင်လောက်တဲ့ ငွေကြေးအင်အားလည်း မြန်မာနိုင်ငံမှာ မရှိပါဘူး။

The Washington Post ။ ။ နိုင်ငံတကာအဏုမြူစွမ်းအင် အေဂျင်စီရဲ့ စုံစမ်းစစ်ဆေးရေးမှူးတွေ မြန်မာပြည်ကို လာစစ်ဆေးမယ်ဆိုရင် ခွင့်ပြုမှာလား။

ဦးသိန်းစိန် ။ ။ နိုင်ငံတကာအဏုမြူစွမ်းအင် အေဂျင်စီရဲ့ သဘောတူစာချုပ်မှာ လက်မှတ်ရေးထိုးဖို့လည်း ရှိပါတယ်။ အဲ့လို လက်မှတ်ရေးထိုးနိုင်ဖို့အတွက် အဏုမြူစွမ်းအင်အေဂျင်စီက မြန်မာနိုင်ငံကို လာရောက်စစ်ဆေးဖို့လည်း လိုပါတယ်။ စစ်ဆေးခွင့်ပြုဖို့လည်း လွှတ်တော်ကို ခွင့်ပြုချက်တောင်းခံဖို့ ရှိပါတယ်။

The Washington Post ။ ။ အမေရိကနဲ့တကွ ကမ္ဘာ့စာဖတ်ပရိသတ်ကို The Washington Post ကတစ်ဆင့် ဘာများ ပြောချင်ပါသလဲ။

ဦးသိန်းစိန် ။ ။ မြန်မာနိုင်ငံဟာ ဒီမိုကရေစီလမ်းကြောင်းမှန်ပေါ်မှာ လျှောက်လှမ်းနေပါတယ်လို့ ပြောချင်ပါတယ်။ လမ်းကြောင်းမှန်ပေါ်မှာ လျှောက်လှမ်းနေတာဖြစ်တဲ့အတွက် နောက်ပြန်လှည့်စရာ ဘာအကြောင်းမှ မရှိပါဘူး။ ရှေ့ကို ဆက်လှမ်းဖို့ပဲ ရှိပါတယ်။ မြန်မာအစိုးရဟာ သက်တမ်း ကိုးလပဲ ရှိပါသေးတယ်။ ဒီမိုကရေစီ အတွေ့အကြုံအရရော၊ ဒီမိုကရေစီ လမ်းစဉ်အရရော အတွေ့အကြုံ နုနယ်ပါသေးတယ်။ မြန်မာနိုင်ငံမှာ ဒီမိုကရေစီစနစ် စည်ပင်ဖွံ့ဖြိုးဖို့ အဓိက အချက်နှစ်ချက် လိုပါတယ်။ ပထမတစ်ချက် ပြည်တွင်း ငြိမ်းချမ်းရေးနဲ့ တည်ငြိမ်အေးချမ်းရေးပါ။ ဒုတိယတစ်ချက် စီးပွားရေး ဖွံ့ဖြိုးတိုးတက်ဖို့ ဖြစ်ပါတယ်။ စီးပွားရေး ဖွံ့ဖြိုးတိုးတက်မှသာ ပြည်သူတွေဟာ ပိုကောင်းမွန်တဲ့ လူနေမှုအဆင့်အတန်းတွေကို ပိုင်ဆိုင်နိုင်ကြမှာဖြစ်ပါတယ်။ မြန်မာလူမျိုး သုံးသန်းလောက်ဟာ ပြည်ပနိုင်ငံတွေမှာ သွားအလုပ်လုပ်နေကြပါတယ်။ တိုင်းပြည်ရဲ့ ဦးနှောက်အင်အားတွေ အများကြီး အလဟဿဖြစ်ကုန်ပါတယ်။ မြန်မာနိုင်ငံမှာ ဆင်းရဲမွဲတေမှုနှုန်းက ၂၆ ရာခိုင်နှုန်းလောက် ရှိနေပါတယ်။ ဒါတွေဟာ နှစ်ပေါင်း ၂၀ လောက် မြန်မာနိုင်ငံကို နိုင်ငံတကာက ပိတ်ဆို့အရေးယူထားခဲ့တဲ့ အကျိုးဆက်တွေပါ။ ပိတ်ဆို့အရေးယူမှုတွေဟာ ပြည်သူတွေရဲ့ အကျိုးစီးပွားကို အများဆုံး ထိခိုက်နေပါတယ်။ စီးပွားရေးလုပ်ငန်းတွေအတွက်လည်း လမ်းပိတ်ပါတယ်။ ဒါတွေကြောင့် နိုင်ငံတွင်းမှာ အလုပ်အကိုင် အခွင့်အလမ်းသစ်တွေ ဖော်ဆောင်ဖို့ ခက်ခဲခဲ့ပါတယ်။ အလုပ်အကိုင် အခွင့်အလမ်းတွေ ဖန်တီးပေးခွင့် မရတာကြောင့် မြန်မာနိုင်ငံကလူတွေ ပြည်ပကို ရောက်ကုန်ကြသလို ပြည်တွင်းက လူတွေမှာလည်း ကျပ်တည်းရပါတယ်။ မြန်မာနိုင်ငံကို ဒီမိုကရေစီနိုင်ငံကြီးအဖြစ်နဲ့ တိုးတက်လာတာကို မြင်ချင်တဲ့ ဆန္ဒ အစစ်အမှန်ရှိတယ်ဆိုရင် မြန်မာ့စီးပွားရေး တိုးတက်ခွင့်ရဖို့အတွက် နိုင်ငံတကာအနေနဲ့ ပိတ်ဆို့အရေးယူထားတာတွေကို ဖြေလျှော့ပေးဖို့နဲ့ လုံးဝ ရုပ်သိမ်းပေးဖို့ လိုအပ်နေပြီလို့ ပြောချင်ပါတယ်။

The Washington Post ။ ။ နိုင်ငံ့စီးပွားရေး ဖွံ့ဖြိုးဖို့အတွက် ပြည်ပနိုင်ငံတွေက မြန်မာနိုင်ငံမှာလာပြီး ရင်းနှီးမြှုပ်နှံဖို့ကိုရော ခွင့်ပြုသွားဖို့ ရှိပါသလား။

ဦးသိန်းစိန် ။ ။ နိုင်ငံတကာက ရင်းနှီးမြှုပ်နှံသူတွေကို ကြိုဆိုပါတယ်။ နိုင်ငံတကာ ရင်းနှီးမြှုပ်နှံသူတွေအတွက် အဆင်ပြေဆုံးဖြစ်မယ့် ဥပဒေတွေကိုလည်း ပြင်ဆင်ရေးဆွဲနေပါတယ်။ ပိတ်ဆို့အရေးယူထားမှုတွေ ရုပ်သိမ်းပေးဖို့တော့ လိုပါလိမ့်မယ်။ ပိတ်ဆို့အရေးယူမှုတွေ ရှိနေသမျှ မြန်မာပြည်က ဘယ်လောက်ကြိုဆို ကြိုဆို နိုင်ငံတကာ ရင်းနှီးမြှုပ်နှံသူတွေ ဝင်လာလို့ မရနိုင်ပါဘူး။

The Washington Post ။ ။ နိုင်ငံတကာ ရင်းနှီးမြှုပ်နှံသူတွေအနေနဲ့ မြန်မာနိုင်ငံမှာ ရင်းနှီးမြှုပ်နှံမှုပြုဖို့ရာမှာ အားကိုးလောက်တဲ့ ဥပဒေတွေ ခိုင်ခိုင်မာမာရှိဖို့ လိုအပ်ပါတယ်။

ဦးသိန်းစိန် ။ ။ နိုင်ငံတကာ ရင်းနှီးမြှုပ်နှံသူတွေအဖို့ မြန်မာနိုင်ငံမှာ လာပြီး ရင်းနှီးမြှုပ်နှံဖို့ရာမှာ အခက်အခဲ ကြီးကြီးမားမား မရှိပါဘူး။ နိုင်ငံတကာရဲ့ ပိတ်ဆို့ အရေးယူထားမှုကြောင့်သာ မြန်မာနိုင်ငံကို မလာနိုင်ကြတာပါ။

The Washington Post ။ ။ ပြည်တွင်း သတင်းမီဒီယာတွေကို လွတ်လပ်ခွင့် အပြည့်အဝပေးဖို့ အစီအစဉ်ရှိပါသလား။ ၁၉၆၂ ခုနှစ် မီဒီယာဥပဒေကို ဖျက်သိမ်းဖို့ကော အစီအစဉ်ရှိပါသလား။ နေ့စဉ်ထုတ် ပုဂ္ဂလိက သတင်းစာတွေ ထုတ်ခွင့်ပြုဖို့ကော အစီအစဉ်ရှိပါသလား။

ဦးသိန်းစိန် ။ ။ သတင်းမီဒီယာ လွတ်လပ်ခွင့်နဲ့ ပက်သက်ရင် မြန်မာနိုင်ငံမှာ အရင်ကထက် အများကြီး လွတ်လပ်လာပြီဆိုတာ မြင်နိုင်ပါတယ်။ ဂျာနယ်တွေလည်း နေ့စဉ်လိုလို ထွက်နေပါတယ်။ သဘောထားအမြင်တွေကိုလည်း လွတ်လွတ်လပ်လပ် ဖော်ပြခွင့် ပေးထားပါတယ်။ မီဒီယာတွေအနေနဲ့ ဒီမိုကရေစီနဲ့ ကိုက်ညီတဲ့ ကျင့်ဝတ်တွေနဲ့ အသားကျဖို့ လိုပါတယ်။ မီဒီယာတွေအနေနဲ့ လွတ်လပ်မှုနဲ့ တာဝန်ယူတတ်မှုကို ကျင့်သားရဖို့ လိုပါတယ်။ မီဒီယာလွတ်လပ်ခွင့်ရဖို့ဆိုတာ လက်ရှိ သတင်းမီဒီယာတွေရဲ့ တာဝန်သိမှု အပေါ် မူတည်ပါတယ်။

credit : The Messenger Journal