နိုင်ငံရေး ဓားစာခံများ

By ဗိုလ်မှူးအောင်လင်းထွဋ်

ဗိုလ်ချုပ်အောင်ဆန်း နှင့် အာဇာနည် ခေါင်းဆောင်ကြီးများ ကျဆုံးသွားခဲ့ပြီးသော နောက်ပိုင်းမှစ၍ ဗိုလ်ချုပ်တို့ ချမှတ်ခဲ့သော လမ်းစဉ်များကိုနိုင်ငံရေးသမားများ တိုင်းရင်းသားခေါင်းဆောင်များ တပ်မတော်ခေါင်းဆောင်များ သည် မိမိတို့လိုသလိုသာအသုံးချခဲ့ကြပြီး ခေတ်အဆက်ဆက် ယနေ့အထိတိုင်အောင်တိုင်းသူပြည်သားများကိုဓါးစာခံအဖြစ်အသုံးချနေဆဲဖြစ်နေသည်ကိုတွေ့မြင်နေရမည်ဖြစ်ပါသည်။ တစ်နေ့ကလွတ်မြောက်လာသော နိုင်ငံရေးအကျဉ်းသား ကမ္ဘာကျော် ဟာသ သရုပ်ဆောင် ကိုဇာဂနာ ပြောခဲ့သလိုဆိုမာလီပင်လယ်ဓါးမြများကဲ့သို့အစိုးရသည် နိုင်ငံရေးအကျဉ်းသားများကိုပြန်ပေးဆွဲထားပြီး သူတို့လိုချင်တာကိုရမှ လိုသလောက်သူတို့အိပ် ကပ်ထဲကထုတ်ပေးနေတာကိုတွေ့မြင်ရမည်ဖြစ်ပါသည်။

စာရေးသူအနေဖြင့်၁၉၈၈ခုနှစ် ပြည်လုံးကျွတ်လူထုဆန္ဒပြပွဲနောက်ပိုင်းတပ်မတော်ခေါင်းဆောင်များ၏ နိုင်ငံရေး ကစားကွက်များကိုလေ့လာတင်ပြလိုပါသည်။ ၈၈၈၈ လေးလုံးအရေးခင်းကို စက်တင်ဘာလ ၁၈ ရက် စစ်တပ် အာဏာသိမ်းစဉ် ပါတီစုံရွေးကောက်ပွဲ ကျင်းပပြုပေးပြီး တပ်မတော်သည်စစ်တန်းလျားပြန်မည်ဟူသော ကြေငြာချက်ဖြင့် နိုင်ငံရေးခေါင်းဆောင်များ နှင့် ပြည်သူပြည်သားများကို ချွေးသိပ်စေခဲ့ပြီး နဝတ သည် အကြမ်း အနုနည်းများကိုသုံး၍ ဖြိုခွဲခဲ့ပါသည်။

တစ်ဘက်မှ မက်လုံးပေးသောစကားကိုသုံးပြီးအခြားတစ်ဘက်တွင် လည်း ကျောင်းသားခေါင်းဆောင်များ သဘောထားပြင်းထန်သောနိုင်ငံရေးခေါင်းဆောင်များကို စစ်ထောက်လှမ်းရေးမှ လိုက်လံဖမ်းဆီးပြီး အကျဉ်းထောင်များအတွင်းထည့်ခဲ့ကြရပါသည်။ နောက်ဆုံး ဒီမိုကရေစီခေါင်ဆောင် ဒေါ်အောင်ဆန်းစုကြည် ကိုပါဖမ်းဆီးပြီးနေအိမ်အကျယ်ချုပ်ချခဲ့သည်ကိုတွေ့မြင်ရမည်ဖြစ်ပါသည်။ ၁၉၉၀-၁၉၉၁ ခုနှစ် ကာလများအတွင်း ကျောင်းသားလှုပ်ရှားမှုများတွင်ပါဝင်သော ကျောင်းသားခေါင်းဆောင်များကို ဖမ်းဆီးခိုင်းခဲ့ပြီး အေ အဆင့်ကို ထောင်အနှစ် ၂၀ နှစ် ၊ ဘီ အဆင့်ကို ထောင်အနှစ် ၇ နှစ် မှ ၁၀ နှစ် ၊ စီ အဆင့်ကို ထောင်အနှစ် ၃ နှစ် မှ ၅ နှစ် သတ်မှတ်ပေးပြီး ထောင်ချခိုင်းခဲ့ပါသည်။ အထက်ပါချိန်ကာလလောက် ကတည်းက ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားများ သည်စစ်အာဏာာရှင်ကြီးများ၏ လိုသလိုအသုံးချခံရမည့် ဓါးစာခံ များဖြစ်လာရပါသည်။ စစ်ထောက်လှမ်းရေးတို့အနေဖြင့် အကျဉ်းသား နိုင်ငံရေးသမားတို့ကို လစဉ်ပုံမှန်တွေ့ဆုံပြီး စစ်တပ်၏လုပ်ဆောင်ချက်ကို ထောက်ခံရန် မက်လုံးပေးပြီးစည်းရုံး ခဲ့ရပါသည်။ နိုင်ငံရေးအကျဉ်းသားများ နှင့်တွေ့ဆုံမှုအစီရင်ခံစာကို အထက်ဌာနများသို့ စစ်ထောက်လှမ်းရေးမှ ပုံမှန်တင်ပြခဲ့ရပါသည်။ ထိုအချိန်ကာလက ယနေ့ကဲ့သို့ နယ်အကျဉ်းထောင်များသို့ နိုင်ငံရေးအကျဉ်းသားများ ကိုပို့ဆောင်ချုပ်နှောင်ခြင်းမရှိဘဲ အင်စိန်အကျဉ်းထောင်တွင်သာထားပြီး ခေါင်းဆောင်ပိုင်းကို အထူးဆောင် နှင့် သီးသန့်ဆောင်များတွင်ထားပါသည်။ထိုစဉ်အချိန်အခါကတည်းက အမျိုးသားအရေးတွက် အကြောင်း အမျိုးမျိုး ကြောင့်ကိုယ့်အကျိုးမစွန့်နိုင်သူများသည်စစ်အစိုးရကိုမချစ်သောလည်းအောင့်ကာနမ်းခဲ့ကြရပါသည်။ ဒေါင်ဒေါင် မြည်နိုင်ငံရေးခေါင်းဆောင်များအနေဖြင့် ဒေါ်အောင်ဆန်းစုကြည် ၊ ဦးဝင်းတင် နှင့် ကိုမင်းကိုနိုင် နှင့် အဖွဲ့ ကျောင်းသားခေါင်းဆောင်များသာ တိုင်းပြည်အတွက်ဒီမိုကရေစီအရေး ယုံကြည်ချက်ခံယူချက်ကို မပြောင်းမလဲ ယနေ့တိုင် ကြံ့ကြံ့ခိုင်ရပ်တည်ခဲ့ကြသူများဖြစ်ပါသည်။လက်ရှိအနေထားမှာပင်ကိုမင်းကိုနိုင်နှင့်အဖွဲ့ ကျောင်းသား ခေါင်းဆောင်များ စစ်အစိုးရ၏ ဓါးစာခံများအဖြစ်ရှိနေဆဲဖြစ်နေပါသည်။

၂၀၀၀ခုနှစ်ပတ်ဝန်းကျင်ကာလလောက်မှစ၍စစ်အစိုးရသည်နိုင်ငံတကာနိုင်ငံရေးကိုလစ်လျူရှုပြီး မြန်မာ့နိုင်ငံ အရေးကိုထင်သလိုလုပ်၍မရမှန်းသိလာခဲ့ပါသည်။ နိုင်ငံတကာတွင် လူ့အခွင့်အရေးချိုးဖေါက်မှုဂုဏ်သတင်း သည်ပေါ်လွင်ထင်ရှားလာပြီး ကုလသမဂ္ဂအပါဝင် အင်အားကြီးနိုင်ငံများ၏ ဖိအားပေးမှုကြီးထွားလာမှုနှင့် ရင်ဆိုင်ခဲ့ရပါသည်။ 

ဖိအားပေးမှုများအထဲတွင် ဒေါ်အောင်ဆန်းစုကြည် နှင့်နိုင်ငံရေးအကျဉ်းသားလွတ်မြောက် ရေးသည် အဓိကအချက်တစ်ခုအနေဖြင့်ပါခဲ့ပါသည်။ ထို့ကြောင့် ဒေါ်အောင်ဆန်းစုကြည် အား ၂၀၀၀ ခုနှစ် အတွင်း လျှို့ဝှက်တွေ့ဆုံဆွေးနွေးခဲ့ရသလို အခြားတစ်ဖက်တွင်လည်း Lobby Group ငှါး၍ အမေရိကန် အစိုးရကို ချဉ်းကပ်ခဲ့ရပါသည်။ထိုကာလအတွင်းပြည်သူ့လွှတ်တော်ကိုယ်စားပြုကော်မတီဖွဲ့စည်းမှုနှင့်ပတ်သက် ၍ထိန်းသိမ်းထားသူများပြန်လည်လွှတ်ပေးပြီး ပြည်တွင်းပြည်ပတွင် စစ်အစိုးရမှသဘောထားကြီးသရောင် ပြ ခဲ့ ပါသည်။အမှန်တစ်ကယ်တော့ စစ်အစိုးရအနေဖြင့်မြန်မာ့နိုင်ငံရေးရှေ့ဆက်တိုးနိုင်ဘို့ ဒေါ်အောင်ဆန်းစုကြည် မပါလျှင်အလုပ်မဖြစ်နိုင်ဟုသိရှိထား၍လည်းဖြစ်ပါသည်။ထို့ကြောင့်၂၀၀၂ ခုနှစ်မေလတွင်D C I Lobby Group အစီအစဉ်ဖြင့်စစ်ထောက်လှမ်းရေးဗိုလ်မှူးချုပ်ကျော်သိန်းနှင့်မူးရစ်ဆေးဝါးနှိမ်နင်းရေးမှ ရဲမှူးကြီးခမ်းအောင် တို့ အမေရိကန်နိုင်ငံ ဝါရှင်တန်မြို့ကို လာရောက်ပြီးနောက် ဝါရှင်တန်မြို့ မြန်မာသံရုံးမှနေ၍ ဒေါ်အောင်ဆန်းစုကြည် ကိုလွှတ်ပေးကြောင်းကို သတင်းအစောဆုံးကြေညာချက်ထုတ်ပြန်ပေးခဲ့ရပါသည်။ ထိုစဉ်အချိန်အခါကလည်း ဒေါ်အောင်ဆန်းစုကြည် နှင့် နိုင်ငံရေးခေါင်းဆောင်အချို့ကို စစ်အစိုးရအနေဖြင့် အသုံးချခဲ့သောလည်း စိတ်ရင်း စေတနာမမှန် စိတ်ကောင်းနှစ်လုံးကောင်းမရှိခဲ့၍ ဒီပဲရင်း အရေးအခင်းဖြင့် အဆုံးသတ်ခဲ့ရပါသည်။
၂၀၀၃ခုနှစ်ဒီပဲရင်းအရေးခင်းလူသတ်ပွဲကြီးပြီးနောက်နိုင်ငံတကာ၏ပြင်းထန်စွာရှုပ်ချမှုများနှင့်ပိတ်စို့ အရေးယူမှု များထပ်မံဖြစ်ပွါးခဲ့ပြီးနောက် တစ်ဖန် ပြန်ပြီး ဒေါ်အောင်ဆန်းစုကြည် ကိုချဉ်းကပ်ခဲ့ရပြန်ပါသည်။ ဝန်ကြီးတစ်ဦး ကိုခေါင်းဆောင် တာဝန်ပေးအဖွဲ့တစ်ဖွဲ့ ဖွဲ့စေပြီး စေ့စပ်ဆွေးနွေးမှုများလုပ်ခဲ့ကြသည်။ နိုင်ငံရေးအကျဉ်းသား လွှတ်ပေးရေး ၊ အမျိုးသားညီလာခံမူအချက်အလက်အချို့ ပြန်လည်ဆွေးနွေးခွင့်ပြုရေး ၊ ၁၉၉၀ ရွေးကောက်ပွဲ နိုင် NLD ကိုအသိအမှတ်ပြုရေး တို့သည်အဓိကအချက်များအနေဖြင့် ဆွေးနွေးခဲ့ကြဘူးပါသည်။ ထိုစဉ်ကလည်း နာလည်မှုတစ်စုံတစ်ရာ ရခဲ့ပြီးကာမှ ရက်ပိုင်းအလိုမှာ NLD အမျိုးသားညီလာခံတက်ပြီးမှ အခြေအနေကြည့်ပြီး ဒေါ်အောင်ဆန်းစုကြည် နှင့် နိုင်ငံရေးအကျဉ်းသားအားလုံးပြန်လွှတ်ပေးမည်ဟု ဗိုလ်ချုပ်မှူးကြီးသန်းရွှေ ၏တိုက် ရိုက်ပြင်ဆင်အမိန့်ကြောင့် ဆွေးနွေးပွဲပျက်ခဲ့ရဘူးပါသည်။ ယနေ့အချိန်အခါတွင်လည်း နိုင်ငံရေးအကျဉ်းသား အရေးသည် ကိုဇာဂနာ ပြောသလို “ကိုယ့်အိပ်ထဲကပေးရတာကျနေတာဘဲ အကုန်လုံးလွှတ်တော့ဘာဖြစ်လဲ” ဖြစ်နေပါသည်။ တစ်ကယ်တော့ ဦးသိန်းစိန် အစိုးရလည်း ဗိုလ်ချုပ်မှူးကြီးသန်းရွှေ တုံးကလိုများ နိုင်ငံရေး အကျဉ်းသားများ ကို ဓါးစာခံအဖြစ် လုပ်နေပြီလာလို့ သံသယဝင်ခဲ့မိပါတယ်။

စာရေးသူလေ့လာကြားသိရတဲ့အတည်ပြုဆဲသတင်းတွေကိုထောက်လှမ်းရေးမှန်းခြေဆွဲကြည့်ပြီး စာဖတ်သူများ ကိုတင်ပြလိုပါသည်။ ထောက်လှမ်းရေးသတင်းဆိုသည့် အဓိပ္ပါယ်ကိုဦးစွာရှင်းပြလိုပါသည်။ သတင်းဆိုတာ မှားသည်ဖြစ်စေ မှန်သည်ဖြစ်စေ တိကျသည်ဖြစ်စေ မတိကျသည်ဖြစ်စေ ခိုင်လုံသည်ဖြစ်စေ မခိုင်လုံသည်ဖြစ် စေသတင်းဖြစ်ပါသည်။ ဒီသတင်းကိုမှ အခြေအမြစ်ပေါင်းစုံမှ အချက်အလက်ပေါင်းစုံစုစည်းပြီး အကဲဖြတ် အနက်ကောက် သတင်းတည်ဆောက်ပြီး သတင်းအဆင့်သတ်မှတ်ရပါသည်၊ သတင်းအဆင့်သတ်မှတ်ရာမှာ လည်း သတင်းဖြစ်ပေါ်ရာအခြေအမြစ် နှင့် သတင်း၏အမှားအမှန်ကိုလေ့လာသုံးသပ်ပြီးမှ အသုံးပြုနိုင်သည့် သတင်းတစ်ခုဖြစ်လာတာပါ။ စာရေးသူရရှိသည့် အတည်ပြုဆဲသတင်းတွေအရ သမ္မတ ဦးသိန်းစိန် အနေဖြင့် ပြုပြင်ပြောင်းလဲရေးကို လုပ်ကိုလုပ်မှဖြစ်မည်လို့ သဘောထားရှိထားသူတစ်ဦးပါ။ ဒါပေမဲ့တစ်ချိန်တည်းမှာလည်း စစ်အစိုးရကာလဆရာသမားကြီးများ နှင့် လုပ်ဖေါ်ကိုင်ဘက်များကို အကာကွယ်ပေးရမယ်ဆိုတဲ့ စိတ်သဘော ထားရှိ နေပါသည်။

ပြုပြင်ပြောင်းလဲရေးလုပ်ရာမှာလည်း ဒေါ်အောင်ဆန်းစုကြည် နှင့် ပူးပေါင်းရေး နိုင်ငံရေး အကျဉ်းသားအားလုံးလွှတ်ပေးရေးတို့သည် ပြည်တွင်းပြည်ပ မြန်မာ့အရေးစိတ်ဝင်စားသူများ၏ တောင်းဆိုချက် များဖြစ်၍ လိုက်လျောရမည်ကိုနားလည်သလို ၄င်းဘက်တွင်လည်း စစ်အစိုးရကာလ လူ့အခွင့်အရေးချိုးဖေါက်ခဲ့ မှုအပေါ် ကုလသမဂ္ဂမှ Commission of Inquiry မဖွဲ့ရေး နောက်ကြောင်းပြန်အရေးမယူရေးတို့ အပေါ်ဘယ်သူ အာမခံချက်ပေးမှာလဲဆိုတာတွေအတွက် ခေါင်းခဲနေရသည့်အချက်တစ်ချက်ရှိပါသည်။ အဲဒီကိစ္စတွေ နဲ့ ဆက် စပ်၍ တိုင်းရင်သားများ နှင့် ငြိမ်းချမ်းရေး ရယူဘို့လည်းလိုနေပါသည်။ အားလုံးကိုခြုံသုံးသပ်ရရင်တော့ ဂုဏ်သိက္ခာရှိသည့်အစိုးရ ဖြစ်ဖို့ပြုပြင်ပြောင်းလဲရေးလုပ်ဘို့ မဟာဗျူဟာတစ်ခုချဆောင်ရွက်နေတယ်လို့ပြောရ မှာပါ။

ပထမဦးဆုံးအကြံပေးအဖွဲ့များကို ယခင်ခေတ်ကာလများနှင့်မတူ အစိုးရ၏ရှေ့တန်းတိုက်စစ်မှူးများအဖြစ်အသုံး ပြုလာသည်ကိုတွေ့ရပါသည်။ အဲဒီအထဲတွင် ဒီမိုကရေစီခေါင်းဆောင်နှင့်ရင်းနှီးသူကိုထည့်သွင်းဖွဲ့စည်းပြီးချဉ်း ကပ်ခဲ့သည်ကိုတွေ့မြင်ရမည်ဖြစ်ပါသည်။ အဆိုပါပုဂ္ဂိုလ်မှတစ်ဆင့် နိုင်ငံတစ်ကာအရေးကိစ္စများနှင့်ပတ်သက် သည့် နိုင်ငံတကာငွေကြေးရံပုံငွေအဖွဲ့လာရောက်ခြင်းကိစ္စ ဥရောပနိုင်ငံအချို့မှအကူအညီပေးရေးကိစ္စ အာဆီယံ ကိစ္စများ ပူးပေါင်းဆောင်ရွက်ရေးကမ်းလှမ်းမှုများရှိခဲ့ပါသည်။ ၄င်းနောက် ဝန်ကြီးဦးအောင်ကြည် နှင့်တွေ့ဆုံ ခဲ့ပြီး ဆက်လက်၍မကြာမှီ သမ္မတကြီးနှင့်ဒေါ်အောင်ဆန်းစုကြည် တွေ့ဆုံခဲ့သည့် အခြေအနေထိ ရောက်ခဲ့ပါ သည်။ သမ္မတဘက်မှ NLD ပါတီမှတ်ပုံတင်ပြီး လွှတ်တော်အတွင်းနိုင်ငံရေုးလုပ်စေလိုပြီး ၂၀၀၈ ခုနှစ်အခြေခံ ဥပဒေ ကိုလေးစားစေလိုသည့် သဘောထားပြခဲ့ပါသည်။ ဒေါ်အောင်ဆန်းစုကြည် ဘက်မှလည်း နိုင်ငံရေး အကျဉ်းသား အားလုံးလွှတ်ပေးရေး ၊ ၂၀၀၈ ခုနှစ်အခြေခံဥပဒေ နှင့် ရွေးကောက်ပွဲကော်မရှင်ဥပဒေ ကိစ္စများ ထောက်ပြမှုများရှိနေပါသည်။ ဧရာဝတီမြစ်စုံစီမံကိန်းကိစ္စကတော့ မမျော်လင့်ဘဲပေါ်လာသောပြဿနာ တစ်ခု ဖြစ်ပါသည်။ သမ္မတ အနေဖြင့်အဆိုပါအခွင့်အရေးကိုအသုံးပြု၍ ပြည်တွင်းပြည်ပ မှ၎င်း၏လုပ်ဆောင်ချက် အပေါ် ထောက်ခံမှုအများကြီးရယူသွားခဲ့ပါသည်။ ဆက်လက်၍ အကျဉ်းသား ( ၆၀၀၀ ) ကျော်ကို လွတ် ငြိမ်း ချမ်းသာခွင့် ပေးမည်ဟုကြေငြာခဲ့ပါသည်။
သို့သော် နိုင်ငံရေး အရအဖမ်းခံထားရသူ (၂၀၀) ကိုသာလွှတ်ပေးခဲ့သည့် အထဲထင်ရှားသော အနုပညာသမား ကိုဇာဂနာ နှင့် ကျန်းမာရေးမကောင်းသူ ဗိုလ်ချုပ်ဆေးထင်ကိုသာလွှတ်ပေးခဲ့ပါသည်။ တစ်ကယ့် နိုင်ငံရေး သမားကျောင်းသားခေါင်းဆောင်များကို ဆက်လက်ဖမ်းထားခဲ့သည်။ ဓါးစာခံ များအဖြစ်ဖမ်းဆီး ထားသလိုဖြစ် နေပါသည်။ စာရေးသူလေ့လာသိရှိရသလောက်ကတော့ သမ္မတ ဦးသိန်းစိန် NLD ထံမှတစ်စုံတစ်ခုပြန်လည် မျော်လင့်နေသည်ဟုသိရပါသည်။ NLD အနေဖြင့် ဆိုမာလီပင်လယ်ဓါးမြတွေနဲ့တူသည့် အစိုးရဆီက ဓါးစားခံ နိုင်ငံရေး အကျဉ်းသားအားလုံးကို အဖိုးအခဘယ်လောက်ပေးရွေးရမှာလည်းကိုစောင့်ကြည့်ရပါဦးတော့မည်။ စာရေးသူအနေဖြင့်အကြံပြုလိုသည်မှာ စစ်အစိုးရတစ်ဖြစ်လဲအရပ်သားအစိုးရနှင့် နိုင်ငံရေးကစားပွဲများတွင် မခံရစေရေး နည်းပရိယယ်ကြွယ်ဝစွာဖြင့် သတင်းလက်ဦးမှုရယူပြီး တန်ပြန်ထိုးစစ်ဆင်နွဲသွားနိုင်ပါမှတော်ယုံ ကြမည်ဖြစ်ပါသည်။ တပ်မတော် နှင့် အစိုးရအဖွဲ့အတွင်း ပြုပြင်ပြောင်းလဲရေးလုပ်လိုသူများအင်အားကြီးထွား လာအောင်လုပ်ပေးနိုင်မှ စစ်ကျွန်ဘဝမှလွတ်မြောက်မှာဖြစ်ပါသည်။ နိုင်ငံရေးအကျဉ်းသားဓါးစာခံများ အမြန် လွတ်မြောက်ပါစေလို့ဆန္ဒပြုလျက်။


၂၀၁၁ ခုနှစ် အောက်တိုဘာ လ ၁၄ ရက်
ဝါရှင်တန်မြို့။

Credit : ဗိုလ်မှူးအောင်လင်းထွဋ်