၈၈၈၈ အရေးခင်း အလွန် စစ်အာဏာရှင်ခေတ် မြန်မာနှင့် အိန္ဒိယ ဆက်ဆံရေး

ဆောင်းပါးရှင်။ အောင်လင်းထွဋ်

၁၉၉၁ ခုနှစ် မေ လ ၂၁ ရက် နေ့ Tamil Nadu State တွင် အိန္ဒိယ ၀န်ကြီးချုပ် Rajiv Gandhi လုပ်ကြံခံခဲ့ရပြီးနောက်ပိုင်း မြန်မာနိုင်ငံသားတို့၏ ဒီမိုကရေစီရေးလှုပ်ရှားမှု များအပေါ် အိန္ဒိယနိုင်ငံ ခေါင်းဆောင်အဆက်ဆက်သည် ယနေ့ထိတိုင် လစ်လျူရှုခဲ့ကြပါသည်။ ကမ္ဘာ့ လူအင်အားအများဆုံး ဒီမိုကရေစီနိုင်ငံတော် ဟုကြွေးကြော်နေသော အိန္ဒိယနိုင်ငံ သည် မြန်မာ့ဒီိမိုကရေစီအရေးကို မျက်ကွယ်ပြု ၍ တရုတ်အရေး နှင့် စီးပွါးရေးကို ရှေ့တန်းတင်ပြီး ၁၉၉၂ ခုနှစ် မှစကာ မြန်မာစစ်အာဏာရှင်အစိုးရကို ဆက်သွယ်မှုများပြုလုပ်ခဲ့ပါသည်။

၁၉၈၈ ခုနှစ် အရေးအခင်းပြီးကာစ တွင် တရုတ် နှင့် အမေရိကန် သည် မြန်မာနိုင်ငံ၏ ရန်သူဖြစ်လာ ဖွယ်နိုင်ငံ (Potential Enemy Country) ဟု သတ်မှတ်ခဲ့ပြီး တရုတ်နယ်စပ် နှင့် ထိုင်းနယ်စပ် တို့အား မြန်မာ စစ်အာဏာရှင်တို့အနေဖြင့် ကာကွယ်ရေးစစ်ရေးစီမံချက်များရေးဆွဲ ပြင်ဆင်မှုများရှိခဲ့ပါသည်။ သို့သော် ၁၉၈၉-၁၉၉၀ ခုနှစ် တရုတ်နယ်စပ် တိုင်းရင်းသားလက်နက်ကိုင်များဖြင့် ငြိမ်းချမ်းရေးရရှိသွားခြင်း ထိုင်းတပ်မတော်ဦးစီးချုပ်General Chavalit Yongchaiyudh ပထမဦးဆုံး နိုင်ငံခြားဧည့်သည်အဖြစ် ရောက်ရှိလာပြီးနောက်ထိုင်း-မြန်မာ ဆက်ဆံရေးကောင်း လာခြင်း တို့ကြောင့် ထိုစဉ်အချိန်အခါက တရုတ် နှင့် အမေရိကန် သည် ရန်သူဖြစ်မလာနိုင် မြန်မာ့ ဒီမိုကရေစီရေးလှုပ်ရှားမှု ကို ပြင်းပြင်းထန်ထန် အားပေးနေသော အိန္ဒိယနိုင်ငံ သည်သာ ရန်သူဖြစ်လာနိုင်ဖွယ်ရှိသည်ဟုသုံးသပ်ကာ ရန်သူဖြစ်လာ ဖွယ်နိုင်ငံ (Potential Enemy Country) ဟုပြောင်းလဲသတ်မှတ်ခဲ့ပါသည်။

၁၉၉၂ ခုနှစ် ဧပြီ လ ဗိုလ်ချုပ်မှူးကြီးသန်းရွှေ အာဏာရယူခဲ့ပြီးနောက် ရန်ကုန် ရှိ အိန္ဒိယနိုင်ငံ သံအမတ်ကြီး နှင့် သံရုံးရှိ အိန္ဒိယထောက်လှမ်းရေးအရာရှိ တို့မှ မြန်မာစစ်ထောက်လှမ်းရေးကိုဆက် သွယ်လာခဲ့ပြီး အိန္ဒိယနိုင်ငံ၏ အရှေ့မျော်ပေါ်လစီ (Look East Policy) ကိုရှင်းပြ၍ မြန်မာ-အိန္ဒိယ ဆက်ဆံရေးကောင်းမွန်အောင် ဆောင်ရွက်လိုကြောင်းစတင်ကမ်းလှမ်းမှုများ အိန္ဒိယနိုင်ငံ ဘက်မှစခဲ့ ပါသည်။၁၉၉၂ ခုနှစ် သြဂုတ် လတွင် စစ်ထောက်လှမ်းရေးမှ ဒုတိယဗိုလ်မှူးကြီးကျော်သိန်း (ဗိုလ်မှူးချုပ်ကျော်သိန်း) ၊ နိုင်ငံခြားရေးဝန်ကြီးဌာနမှ ညွှန်ကြားရေးမှူး ဦးအေး (အငြိမ်းစား ကနေဒါ နှင့် သြစတြေးလျ နိုင်ငံ သံအမတ်ကြီး) တို့ ၂ ဦးကို ဗိုလ်ချုပ်မှူးကြီးသန်းရွှေ မှ အိန္ဒိယနိုင်ငံ သို့စေလွှတ်ခဲ့ပါ သည်။ ၎င်းတို့ ၂ ဦးသည် အိန္ဒိယနိုင်ငံ အစိုးရ ၊ တပ်မတော်နှင့်ထောက်လှမ်းရေး ဆိုင်ရာအဆင့်မြင့် တာဝန်ရှိသူများမှအထူးကိုယ်စားလှယ်အနေဖြင့် လက်ခံ တွေ့ ဆုံခဲ့ပြီး အိန္ဒိယနိုင်ငံ ဘက်မှ စစ်ရေးပူးပေါင်းဆောင်ရွက်မှု နှင့်ပတ်သက်၍ နယ်စပ်ဒေသ နာဂ နှင့် ကသည်း လူမျိုးစုသူပုန်များပူး ပေါင်းနှိမ်နင်းရေး စစ်ဘက်ဆိုင်ရာပစ္စည်းများထောက်ပံ့ရေး စစ်ဘက်အရာရှိများ အိန္ဒိယနိုင်ငံတွင် သင်တန်းတက်ရောက်ခွင့်အရေး ထောက်လှမ်းရေးသတင်းများ အပြန်အလှန်ဖလှယ်ရေး စီးပွါးရေးအတွက် အိန္ဒိယနိုင်ငံ နယ်စပ် မိုးရေးမြို့ မှ တမူး ၊ ကလေး ကားလမ်းပြုပြင်ရေး အစရှိသည်တို့ကို အိန္ဒိယနိုင်ငံ ဘက်မှကမ်းလှမ်းလာခဲ့ပါသည်။
မြန်မာကိုယ်စားလှယ်အဖွဲ့ မြန်မာနိုင်ငံပြန်ရောက်ပြီး ဗိုလ်ချုပ်မှူးကြီးသန်းရွှေ ကိုသတင်းပို့သည့်အခါ ဗိုလ်ချုပ်မှူးကြီးသန်းရွှေ ၏မှတ်ချက်က` ဒီ ကုလားတွေစိတ်ချရတာမဟုတ်ဘူး မင်းတို့ သတိထားပြီး ဆက်ဆံကြ´ ဟု ပြောခဲ့ပါသည်။ အဲဒီနောက်ပိုင်း မြန်မာစစ်တပ်ဘက်က စစ်ရေးအရလိုက်လျောသည့် အနေဖြင့် အိန္ဒိယ ၏ ရန်သူ နာဂ သူပုန်တို့ ဘင်္ဂလားဒေ့နိုင်ငံ စစ်တကောင်းတောင်တန်း တွင်စစ်သင်တန်းတက်ရောက်ပြီးအပြန် အင်အား ၁၀၀ ကျော် မြန်မာနိုင်ငံနယ်နမိတ် အတွင်း က ဖြတ်မည်ဟူသောသတင်းကို အိန္ဒိယထောက်လှမ်းရေး က ပေးခဲ့သဖြင့် ဗိုလ်ချုပ်မှူးကြီးသန်းရွှေ ကိုတင် ပြခဲ့ရာ ကာကွယ်ရေးဦးစီးချုပ်ရုံး(ကြည်း)၏ ကွပ်ကဲမှုဖြင့် မြောက်ပိုင်းတိုင်းစစ်ဌာနချုပ်နှင့် အနောက်မြောက်တိုင်း စစ်ဌာနချုပ် လက်အောက်ခံ ခြေလျင် ခြေမြန် တပ်ရင်းများစေလွှတ်ကာ တိုက်ခိုက်ခဲ့သဖြင့်နာဂသူပုန်၇၅ ယောက်ကျော်သေဆုံးခဲ့ပြီးအများအပြားဒဏ်ရာရရှိစေခဲ့ပါသည်။မြန်မာစစ်တပ်ဘက်မှ အနည်းငယ်သာထိခိုက် ဒဏ်ရာရရှိခဲ့ပါသည်။ ထိုစဉ်က လက်ရှိ နိုင်ငံတော်သမ္မတကြီး ဗိုလ်ချုပ်ကြီးသိန်းစိန် မှာ ကာကွယ်ရေး ဦးစီးချုပ်ရုံး(ကြည်း) ၏ စစ်ဦးစီးဗိုလ်မှူးကြီး (Colonel General Staff ) ဖြစ်ပါသည်။ အလားတူ နာဂ၊ ကသည်း သူပုန် တို့၏သတင်းများကို ယခင် မကြာခဏ မြန်မာစစ်ထောက်လှမ်းဌာန ကရရှိ၍ ကာကွယ်ရေး ဦးစီးချုပ်ရုံး(ကြည်း) သို့ တင်ပြခဲ့သော်လဲ ယခုလိုတစ်ကြိမ်တစ်ခါမျှ ဗိုလ်ချုပ်မှူးကြီးသန်းရွှေ အနေဖြင့် ခွင့်မပြုခဲ့ပါ။ 

၁၉၉၃ ခုနှစ်မှစ၍ အိန္ဒိယနိုင်ငံ ကာကွယ်ရေးတက္ကသိုလ် ၌ ဗိုလ်မှူးမိုးဟိန်း ( ဗိုလ်ချုပ် မိုးဟိန်း၊အငြိမ်းစား နိုင်ငံတော်ကာကွယ်ရေးတက္ကသိုလ် ကျောင်းအုပ်ကြီး ) ၊ ဗိုလ်မှူးဉာဏ်ဝင်း (ဗိုလ်ချုပ် ဉာဏ်ဝင်း၊နိုင်ငံခြားရေးဝန်ကြီးဟောင်း၊ပဲခူးတိုင်းဒေသကြီးဝန်ကြီးချုပ်) တို့အပါဝင် မြန်မာတပ်မတော်အရာရှိများ နှစ်စဉ်သင်တန်းတက်ရောက်ခဲ့ကြပါသည်။
နာဂသူပုန်များကိုနှိမ်နင်းပေးခြင်း ကိုအကြောင်းပြု၍ မြန်မာ-အိန္ဒိယ ဆက်ဆံရေးကောင်းတော့မည် ဟုထင်ခဲ့ကြသော်လဲ ၁၉၉၃ ခုနှစ်အတွင်း၌ ဒေါ်အောင်ဆန်းစုကြည် အား အိန္ဒိယအစိုးရ မှ ၁၉၉၂ ခုနှစ်အတွက် Jawaharlal Nehru Award ကိုပေးခဲ့သဖြင့် ဗိုလ်ချုပ်မှူးကြီးသန်းရွှေ အကြီးအကျယ်ဒေါသထွက်ခဲ့ပါသည်။ `ဒီကုလားတွေ ကုလားမူလာမူတိုင်း မင်းတို့မယုံကြနဲ့ ၊ နောင်ဒီ ကောင်တွေတောင်းတိုင်းမပေးနဲ့တော့´ ဟုပြောခဲ့သည်ကိုသိရှိခဲ့ရပါသည်။အဲဒီနောက်ပိုင်းမြန်မာ-အိန္ဒိယဆက်ဆံရေးမှာ မြန်မာဘက်ကခပ်ခွာခွာနေခဲ့ပြီး နိုင်ငံတကာအရေးတွေ မှာ လိုအပ်သည့် ထောက်ခံမှုတွေရဖို့ကိစ္စတွေ ကြမှသာ တရုတ်နှင့်ဆက်ဆံရေး ၊ သဘာဝဓါတ်ငွေ့အရေး တွေကို အကြောင်းပြ ဆက်ဆံခဲ့ကြပါသည်။ နိုင်ငံတကာနိုင်ငံရေးပထ၀ီမဟာဗျူဟာ အရ အိန္ဒိယ ကို တရုတ် နှင့် ထိန်းညှိ (Balance) လုပ်ထားခြင်းသာဖြစ်ပါသည်။ အိန္ဒိယ သည် မြန်မာစစ်တပ်မှ သတင်းလွှင့်ထားသော မြန်မာပိုင်ကိုးကိုးကျွန်းရေဒါစခန်း ၌ တရုတ်များက အိန္ဒိယကို ထောက်လှမ်းမှုများ ပြုလုပ်နေသည်ဆိုသော သတင်းကိုယခုအထိ ယုံနေကြဆဲဟုယူဆပါသည်။နာဂ၊ကသည်း သူပုန်များနှိမ်နင်းရေး အတွက် အိန္ဒိယဘက်မှ သတင်းထပ်မံပေးခဲ့သော်လဲ ယခုအချိန်ထိအရေးယူဆောင်ရွက်ခြင်း ပြုလုပ်ရန် ခွင့်မပြုတော့ပါ။ ၁၉၉၃ ခုနှစ် နှောင်းပိုင်းလောက်ကစပြီး မြန်မာနယ်နမိတ်တွင်ရှိသော အိန္ဒိယ သူပုန်များကို အားလဲမပေး နှောက်လဲမနှောက်ယှက်သော မူကိုယခုအထိ ကျင့်သုံးနေဆဲဖြစ်ပါသည်။ ရန်ဖန်ရန်ခါ အိန္ဒိယ သူပုန်များ မြန်မာနယ်မြေမှဖြတ်၍ လက်နက်ဝယ်ယူမှုကိစ္စများ ရှိခဲ့သော်လဲ ကာကွယ်ရေး ဦးစီးချုပ်ရုံး(ကြည်း) အမိန့်ဖြင့် မသိချင်ယောင်ဆောင်ခိုင်းခဲ့သည်များရှိခဲ့ပါသည်။ ၁၉၉၄ ခုနှစ်လောက်ကစပြီး ပါကစ္စတန် ထောက်လှမ်းရေး မှ လည်း မြန်မာအစိုးရအားချဉ်းကပ်ပြီး ပါကစ္စတန်တွင် မြန်မာတပ်မတော်အရာရှိများနှင့် ထောက်လှမ်းရေးများ အားသင်တန်းပေးရေး အဆင့်မြင့်အရာရှိများလည်ပတ်ရေး အိန္ဒိယနယ်စပ် အဆင့်မြင့် ဆက်သွယ်ရေးကရိယာများတပ်ဆင်ပေးရေး တို့ကိုကမ်းလှမ်းလာခဲ့မှုများရှိခဲ့ပါသည်။

၁၉၉၆ ခုနှစ် နောက်ပိုင်းတွင် အေးတိအေးဆက်ဖြစ်နေသော ဆက်ဆံရေး ကို ပြန်လည်အသက်သွင်းသည့် အနေဖြင့် အိန္ဒိယ စစ်ထောက်လှမ်းရေး မှ မြန်မာနိုင်ငံဖွား ဒုဗိုလ်မှူးကြီးအဆင့်ရှိ ဂရိတ်ဝေါ မြန်မာအမည် မျိုးမြင့် ကိုစေလွှတ်၍ မြန်မာအစိုးရကိုဆန့်ကျင်သော ကရင် နှင့် ရခိုင် သူပုန်များကို အိန္ဒိယစစ်တပ်အနေဖြင့် နှိမ်နင်းပေးမည်ဟုကမ်းလှမ်းလာခဲ့ပါသည်။ အလားတူ ထိုစဉ်က မြန်မာနိုင်ငံ ဆိုင်ရာ အိန္ဒိယသံအမတ်ကြီး (ယခုအိန္ဒိယနိုင်ငံခြားရေးဝန်ကြီးဌာနအတွင်းဝန်)အနေဖြင့် ဆက်ဆံရေးပြန်လည် ကောင်းမွန်ရေး အထူးကြိုးစား ခဲ့ပါသည်။ အိန္ဒိယ စစ်ထောက်လှမ်းရေး ဂရိတ်ဝေါ (ခေါ်) မျိုးမြင့် သည် ထိုင်းနိုင်ငံ တောင်ပိုင်းရှိ အိန္ဒိယ စစ်ထောက်လှမ်းရေးသတင်းပေးများအကူအညီဖြင့် ကရင် ရခိုင် သူပုန်များ နှင့် အဆက်အသွယ်ရယူခဲ့ပြီး ဘင်္ဂလားဒေ့နိုင်ငံစစ်တကောင်းတောင်တန်းတွင် သင်တန်းတက်နေသော နာဂ ၊ ကသည်း သူပုန်များအတွက် လက်နက်မှောင်ခိုဝယ်ယူရေး အသွင်ယူတွေ့ဆုံမှုများလုပ်ခဲ့သလို ကရင် ရခိုင် သူပုန်များကိုလည်း ယင်းအနေဖြင့်လှည့်ဖြားကာ နိုင်ငံရေးအရအကူအညီပေးမရောင်ရောင် စည်းရုံးသိမ်းသွင်းခဲ့ပါသည်။ မျိုးမြင့် အနေဖြင့် ယင်း၏လှုပ်ရှားမှုအသေးစိပ်ကို နှစ်နှင့်ချီ၍ မြန်မာအစိုးရ ကိုသတင်းပို့ကာ ယုံကြည်မှုတည်ဆောက်ခဲ့ ပါသည်။

၁၉၉၈ ခုနှစ်ဖေဖေါ်ဝါရီလ တွင် သက်သေပြသည့်အနေဖြင့် မြန်မာအစိုးရကိုဆန့်ကျင်သော ကရင် နှင့် ရခိုင် သူပုန်များကို အိန္ဒိယ မှ နှိမ်နင်းပေးသည်ဟု သဘောသက်ဝင်အောင် သတ်သူကိုသတ်ပြီး ဖမ်းသူကို ဖမ်းကာ မြန်မာအစိုးရ ကို ပြသခဲ့ပါသည်။ ထို့ပြင် မျိုးမြင့်၏သတင်းပေးချက်အရ မြန်မာရေပြင်နယ်နမိတ် ခရစ်စတီးကျွန်း တွင်လက်နက်များရှိသည်ဟု သတင်းများပေးသဖြင့် ဗိုလ်ချုပ်မှူးကြီးသန်းရွှေ ၏ ကာကွယ်ရေး ဦးစီးချုပ်ရုံး(ကြည်း) အမိန့်ဖြင့် ၁၉၉၈ခုနှစ် ဧပြီလ တွင် စစ်ဦးစီးအရာရှိချုပ်(ရေ) ဗိုလ်မှူးချုပ်ကြည်မင်း (ကာကွယ်ရေးဦးစီးချုပ်(ရေ)ဟောင်း၊ယခုထားဝယ်ပြည်သူ့လွှတ်တော်ကိုယ်စားလှယ်)၊စစ်ဦးစီးအရာရှိချုပ်(လေ) ဗိုလ်မှူးချုပ်မြင့်ဆွေ (ကာကွယ်ရေးဦးစီးချုပ် (လေ) ဟောင်း ၊ဦးနေ၀င်း ၏ မြေးများကိစ္စဖြင့်အဖြုတ်ခံရသူ)၊ အမှတ် (၁၃) စစ်ဆင်ရေးကွပ်ကဲမှုအဖွဲ့ချုပ် တပ်မမှူး ဗိုလ်မှူးချုပ်မြင့်အောင် (စစ်ရေးချုပ်ဟောင်း၊ ကာကွယ်ရေးဝန်ကြီးမလုပ်လို၍အဖြုတ်ခံရသူ) တို့ဦးစီးသည့်ကြည်း၊ရေ၊လေ ပူးပေါင်းစစ်ဆင်ရေး ကိုပြုလုပ်ခဲ့ပါ သည်။ ထိုစစ်ဆင်ရေးတွင် ခရစ်စတီးကျွန်း ပေါ် သစ်ခုတ် ၀ါးခုတ် ငါးဖမ်း လုပ်ကိုင်စားသောက်နေသော ခလေးငယ်များ၊ အမျိုးသမီးများ အပါဝင် သာမန်အရပ်သူအရပ်သား ၈၁ ဦးကိုဖမ်းဆီးမိခဲ့ပါသည်။ 

၁၉၉၈ ခုနှစ် မေလတွင် အဆိုပါသာမန်အရပ်သူအရပ်သား (၈၁) ဦးကို ဗိုလ်ချုပ်မှူးကြီးသန်းရွှေ အမိန့်ဖြင့် ပူးပေါင်းစစ်ဆင်ရေးကွပ်ကဲမှု အဖွဲ့ မှ ကော့သောင်အခြေချစစ်ဗျူဟာမှူး ဗိုလ်မှူးကြီးဇော်မင်း (လက်ရှိ အမှတ်(၁)လျှပ်စစ်ဝန်ကြီး နှင့် ယခင် တွဲဘက် အထွေထွေအတွင်းရေးမှူး ကြံ့ခိုင်ဖွံ့ဖြိုးရေးအသင်း) ကို အားလုံးသတ်ပစ်ရန် ဆက်လက်အမိန်းပေးခဲ့ပါသည်။ တာဝန်ယူပစ်သတ်ခဲ့သည့် တပ်ရင်းမှူး (၂) ဦးမှာ ဒုဗိုလ်မှူးကြီးစိုးတင် (အမှတ် ၂၆၂ ခြေလျင်တပ်ရင်း၊) ၊ ဒုဗိုလ်မှူးကြီးဝင်းဆွေ (အမှတ် ၄၀၃ ခြေလျင်တပ်ရင်း၊) တို့ဖြစ်ပါသည်။ထိုအချိန်က ကာကွယ်ရေး ဦးစီးချုပ်ရုံး(ကြည်း) ၏ စစ်ဦးစီး ဗိုလ်မှူးချုပ် မှာ ဗိုလ်မှူးချုပ်မြင့်ဆွေ (ဒုဗိုလ်ချုပ်ကြီးဟောင်း၊ လက်ရှိ ရန်ကုန်တိုင်ဒေသကြီးဝန်ကြီးချုပ်) ဖြစ်ပါသည်။

အဆိုပါဖြစ်စဉ်များပြီးနောက် အိန္ဒိယ ရေနံကုမ္မဏီများကို ရခိုင်ကမ်းလွန်ရေနံနှင့်သဘာဝဓါတ်ငွေ့ ရှာဖွေရေးလုပ် ကိုင်ခွင့်များတွင် ပါဝင်ခွင့်များချပေးခဲ့ပါသည်။ တစ်ကယ် သဘာဝဓါတ်ငွေ့ များထွက်လာသည့်အခါ အိန္ဒိယ နိုင်ငံ အားဦးစားပေး၍ ရောင်းချပေးမရောင်မက်လုံများ ပေးခဲ့ပါသည်။ နယ်စပ်သူပုန်များ အရေးနှင့်ပတ်သက်၍ ကိုယ်တိုင်ဝင်ရောက် မတိုက်ပေးသောလည်း သူပုန်များကို အတိုင်တာတစ်ခုထိ အားပေးအားမြှောက် မပြုလုပ်တော့ပါ။ ဒီလိုနှင့် အိန္ဒိယအစိုးရ ကို စစ်ခေါင်းဆောင်ကြီးအနေဖြင့် မလျော့မတင်းပေါ်လစီကိုကျင့်သုံးပြီး နိုင်ငံဆကာဆက်ဆံရေးအတွက် ထောက်ခံမဲတစ်မဲ အိတ်ကပ်ထဲသို့ထည့်ထားနိုင်ခဲ့ပါသည်။

၂၀၀၄ ခုနှစ် အောက်တိုဘာလ ဗိုလ်ချုပ်ကြီးခင်ညွန့် နှင့် စစ်ထောက်လှမ်းရေးအဖွဲ့ ကိုဖမ်းဆီးပြီး ရက်ပိုင်းအတွင်း ဗိုလ်ချုပ်မှူးကြီးသန်းရွှေ သည် အိန္ဒိယနိုင်ငံ သို့ သွားရောက်လည်ပတ်ခဲ့ပါသည်။ အဆိုပါခရီးစဉ် တွင် မြန်မာအစိုးရ နှင့် အိန္ဒိယအစိုးရ အကြား သမရိုးကျမဟုတ်သောလုံခြုံရေးကိစ္စများပူးပေါင်းဆောင်ရွက်ရေး သဘောတူညီချက် ၊ ထမံသီရေအားလျှပ်စစ်ထုတ်လုပ်ရေးစီမံကိန်း သဘောတူညီချက် ၊၂၀၀၄-၂၀၀၆ အတွက်ယဉ်ကျေးမှုဖလှယ်ရေးအစီအစဉ်သဘောတူညီချက်၊စုစုပေါင်း သဘောတူညီချက် (၃)ခု လက်မှတ်ရေး ထိုး ခဲ့ကြပါသည်။အဆိုပါ သဘောတူညီချက် (၃)ခု အနက် အိန္ဒိယဘက်မှနယ်စပ်လုံခြုံရေးနှင့်ပတ်သက်၍ ဦးစားပေးဆောင်ရွက်စေချင်သလို၊ မြန်မာဘက်မှလည်း ထမံသီရေအားလျှပ်စစ်ထုတ်လုပ်ရေးစီမံကိန်းကိုအမြန် အကောင်ထည်ဖေါ်စေချင်ပါသည်။
၂၀၀၆ ခုနှစ် မတ်လ တွင် အိန္ဒိယသမ္မတ Dr APJ Abdul Kalam နှင့်အဖွဲ့ မြန်မာနိုင်ငံ သို့လာရောက်စဉ်အချိန်တွင်လည်း အိန္ဒိယအစိုးရ မှ နယ်စပ် နာဂ ၊ ကသည်း သူပုန်များထံ လက်နက်ခဲယမ်းများ ရောက်ရှိနေမှု တပ်မတော်ချင်းပူးပေါင်း၍ သူပုန်များအားနှိမ်နင်းလိုကြောင်း ကုလားတန်မြစ် ဘက်စုံစီမံကိန်း နှင့် စစ်တွေမြို့တွင် ရေနက်ဆိပ်ကမ်း တည်ဆောက်ရေးစီမံကိန်း အမြန်အကောင် ထည်ဖေါ်လိုကြောင်း မဲခေါင်- ဂင်္ဂါ ပူးပေါင်းဆောင်ရွက်ရေးအတွက် အိန္ဒိယ မြန်မာ ထိုင်း လမ်းမကြီးကိုအမြန် အကောင် ထည်ဖေါ်လိုကြောင်း ကွန်ပြူတာနည်းပညာများအကူအညီပေးသွားမည်ဖြစ် ကြောင်းမြန်မာနိုင်ငံရှိ သိပ္ပံဓါတ်ခွဲခန်းများအဆင့်မြင့်စေရေးအကူညီပေးသွားမည်ဖြစ်ကြောင်း e-government စီမံကိန်းများအတွက် မြန်မာအရာရှိများအား သင်တန်းများပို့ချပေးသွားမည်ဖြစ်ကြောင်း ၊ မကြာမှီကာလတွင် မြန်မာနိုင်ငံ ၌ Entrepreneurship Development Center တည်ဆောက်ပေးသွားမည်ဖြစ်ပါကြောင်း လုံခြုံရေးကောင်စီတွင် အိန္ဒိယနိုင်ငံ အမြဲတန်းအဖွဲ့ဝင်အဖြစ်ဝင်ခွင့်ရရှိရန်အဆိုပြုထားချက်အပေါ် မြန်မာနိုင်ငံ မှ ထောက်ခံမှုပေးခြင်းအတွက် ကျေးဇူးတင်ကြောင်း အိန္ဒိယနိုင်ငံ အနေဖြင့်လဲ မြန်မာနိုင်ငံ ကို ကုလသမဂ္ဂ ညီလာခံအစည်းအဝေးများ ILO အစည်းအဝေးများ Human Right Council အစည်းအဝေးများတွင် ထောက်ခံမှုပေးသွားမည်ဖြစ်ကြောင်း ပြောကြားသွားခဲ့သည်ဟုသိရှိခဲ့ရပါသည်။မြန်မာအစိုးရ မှ ပြန်လည် ဆွေးနွေးရာ တွင် နယ်စပ်ရှိ နာဂ ၊ကသည်း သူပုန်များထံရောက်ရှိနေသော လက်နက်ခဲယမ်းများသည် ထိုင်း နှင့် ကမ္ဘောဒီးယား နိုင်ငံများ မှ လာရောက်ခြင်းသာဖြစ်ကြောင်း ရန်သူသတင်းများ ကို အသိပေးသွား မည်ဖြစ်ကြောင်း အိန္ဒိယ မြန်မာ ထိုင်း လမ်းမကြီးအတွက် မြန်မာနိုင်ငံအတွင်းတံတားကြီး ၅ စင်းတည်ဆောက် ရန် အိန္ဒိယအစိုးရ မှ အမေရိကန်ဒေါ်လာသန်း ၂၅၀ ချေးငွေထုတ်ပေးစေလိုကြောင်း ကွန်ပြူတာနည်းပညာများ အကူအညီပေးရေးနှင့်ပတ်သက်၍ မန္တလေးတွင် ICT Park တည်ဆောက်ရန် အိန္ဒိယအစိုးရ မှ ငွေကြေး နှင့် နည်းပညာ အကူညီတောင်းလိုကြောင်း သံ ၊ ကြေးနီ ၊ နီကယ် သတ္တုရိုင်းများ တန်ချိန်သန်းပေါင်းများစွာ မြန်မာ နိုင်ငံအထက်ပိုင်းတွင် ထုတ်လုပ်ရန် လျှပ်စစ်ဓါတ်အားလိုပါကြောင်း ထို့ကြောင့် ၂၀၀၄ ခုနှစ် ဗိုလ်ချုပ်မှူးကြီးသန်းရွှေ အိန္ဒိယနိုင်ငံ သို့လည်ပတ်စဉ် သဘောတူလက်မှတ်ရေးထိုးခဲ့သော ထမံသီစီမံကိန်းကို အမြန်အကောင်ထည်ဖေါ်လိုကြောင်း မြန်မာအစိုးရ၏ လမ်းပြမြေပုံကိုရှင်းပြပြီး အိန္ဒိယနိုင်ငံ အနေဖြင့် အနောက် နိုင်ငံများကိုအနှောက်အယှက်မပေးရေး တိုက်တွန်းပြောကြားပေးစေလိုကြောင်း နိုင်ငံတကာတွင် မြန်မာအစိုးရ ဘက်မှထောက်ခံ ရပ်တည်ပေးသည့်အတွက် ကျေးဇူးတင်ပါကြောင်း တို့ကိုဆွေးနွေးခဲ့ကြကြောင်းသိရပါသည်။
၂၀၁၀ ခုနှစ် ဇူလိုင်လ ဒုတိယအကြိမ် ဗိုလ်ချုပ်မှူးကြီးသန်းရွှေ ၏ အိန္ဒိယနိုင်ငံ သို့လည်ပတ်သည့်ခရီးစဉ်တွင် ၂၀၁၀ ရွေးကောက်ပွဲ နှင့် အစိုးရသစ်ကို အိန္ဒိယနိုင်ငံ မှ ထောက်ခံပေးရေး၊ နိုင်ငံတကာ၏အသိအမှတ်ပြုမှုခံရ ရေးတို့ကို ကူညီဆောင်ရွက်ပေးရန် မေတ္တာရပ်ခံခဲ့ခြင်းနှင့် ယခင်အတိုင်း နောင်အစိုးရလက်ထက်တွင်လည်း ချစ်ကြည်ရေး ကို ထိန်းသိမ်းသွားရန် တို့ဖြစ်ပြီး အဓိက ခရီးစဉ်၏ရည်ရွယ်ချက်မှာ မိသားစု ဘုရားဖူး လည်ပတ်ခြင်းသာဖြစ်ပါသည်။

နှစ်ပေါင်း (၂၀) နီးပါး မြန်မာ-အိန္ဒိယ ဆက်ဆံရေး ကို လေ့လာကြည့်မည်ဆိုလျှင် အပေါ်ယံအဆင်ပြေသရောင် ထင်ရသောလည်း အမှန်တစ်ကယ်တော့ နောက်ကွယ်တွင် မရိုးသားမှုအများပြားရှိနေသည် ကို တွေ့ရမှာ ဖြစ်ပါသည်။ မြန်မာ-အိန္ဒိယ ခေါင်းဆောင်ချင်း သဘောတူညီချက်များစွာ လက်မှတ်ထိုးခဲ့ကြသော်လဲ ယနေ့အချိန်ထိ ပီပီပြင်ပြင် အကောင်အထည်ပေါ်လာသော စီမံကိန်းများမတွေ့ရသေးပါ။ အဆင်ပြေလိုက် မပြေလိုက် နှင့် ဆွေးနွေးနေသည့်အဆင့်သာရှိနေပါသည်။ အိန္ဒိယ ကလဲ ကုလားမူကုလားချွဲ လုပ်နေသလို မြန်မာစစ်အာဏာရှင် တို့ကလဲ လိမ်လိုက်ညာလိုက်လှည့်ဖျားနေ သည်ကိုတွေ့ရမှာဖြစ်ပါသည်။နှစ်ပေါင်း (၂၀) နီးပါး မြန်မာ-အိန္ဒိယ ဆက်ဆံရေး မှာတော့ မြန်မာစစ်အာဏာရှင်တို့ မရှုံးဟုယူဆပါသည် ၊ ကမ္ဘာ အကြီးဆုံး ဒီမိုကရေစီနိုင်ငံကြီးဖြစ်သည့် အိန္ဒိယနိုင်ငံ ကို အာဏာရှင်စနစ်ကျင့်သုံးသည့်စစ်တပ်အစိုးရက အရင်းအနှီးသိပ် မစိုက်ရဘဲ လက်မှက် (Ticket) တစ်စောင်ကို အိတ်ကပ်အတွင်းထည့်ထားပြီး အနောက်နိုင်ငံများနှင့်နိုင်ငံတကာ ညီလာခံများကို နိုင်ငံရေးကစားခွင့်ရခဲ့ပါသည်။ မြန်မာစစ်အာဏာရှင်တို့အနေဖြင့် တရုတ်နိုင်ငံ ၏ ထောက်ခံမှု လက်မှတ်ရရှိရန်အတွက်မူစီးပွါးရေး ၊ နိုင်ငံရေး ၊ လူမှုရေး အရင်းအနှီးများစွာပေးပြီးမှ ရသည်ကိုတွေ့ရမည်ဖြစ်ပါ သည်။မြန်မာစစ်ခေါင်းဆောင်များအနေဖြင့် အိန္ဒိယ ကို အဆိပ်မရှိသော ရေမြွေ လိုသဘောထားပြီး တရုတ် ကို တော့ အဆိပ်ပြင်းသော မြွေပွေး လိုသဘောထားပြီး ဆက်ဆံကြပါသည်။
မြန်မာ-အိန္ဒိယ သည် အင်္ဂလိပ် ၏ကိုလိုနီကျွန်အဖြစ်နှစ်ပေါင်းရာချီ၍နေခဲ့ကြရပြီး လွတ်လပ်ရေး တိုက်ပွဲဝင်စဉ် အချိန်ကာလ တွင်လည်း အိန္ဒိယ ခေါင်းဆောင်ကြီးများဖြစ်သည့် မဟတ္တမ ဂန္ဒီ ၊ ဂျဝါလာနေရူး တို့သည် မြန်မာ ခေါင်းဆောင်ကြီးများဖြစ်သည့် ဗိုလ်ချုပ်အောင်ဆန်း ၊ ဦးနု တို့နှင့် လုပ်ဖေါ်ကိုင်ဘက်များ ဖြစ်ခဲ့ကြသည့်အပြင် ပုဂ္ဂိလ်ရေး အားဖြင့်လည်း ရင်းနှီးခဲ့ကြသူများဖြစ်ပါသည်။လွတ်လပ်ရေး ၊ ဒီမိုကရေစီအရေး တို့အတွက် အသက် ပေး၍တိုက်ပွဲ ၀င်ခဲ့ကြသူ များလဲဖြစ်ကြပါသည်။ ထို့ကြောင့် သမိုင်းကြောင်းအရ ဒီမိုကရေစီအတွက် တိုက်ပွဲဝင်ခဲ့သော မြန်မာ-အိန္ဒိယ ဆက်ဆံရေးကိုထောက်ရှုပြီး ၎င်း အိန္ဒိယ အပေါ် စိတ်ရင်းစေတနာ မမှန် လိမ်လည် လှည့်ဖျားနေ သော စစ်အာဏာရှင်တို့၏လုပ်ရပ် ကို ထောက်ရှု၍ ၎င်း ဒီမိုကရေစီစနစ် ကိုကျင့်သုံးနေသည့် ကမ္ဘာ အကြီးဆုံး ဒီမိုကရေစီနိုင်ငံကြီးဖြစ်သည့် အိန္ဒိယ အစိုးရ အနေဖြင့် မြန်မာစစ်အာဏာရှင်အစိုးရအား ထောက်ခံနေမှုအပေါ်ပြန်လည်စဉ်းစားသုံးသပ်သင့်ပါသည်။
မြန်မာပြည်သူလူထု စစ်ကျွန်ဘ၀မှလွတ်မြောက်ရေး အိန္ဒိယ အနေဖြင့် အမေရိကန် ၊ ဥရောပ နိုင်ငံများနှင့်အတူ ၀ိုင်းဝန်း အကူညီပေးပရန် မေတ္တာရပ်ခံအပ်ပါသည်။

၂၀၁၁ ခုနှစ် ဇွန် လ (ရ) ရက်
ဝါရှင်တန်မြို့